1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

اوباما: د آزادۍ په مبارزه کي د ايرانيانو ملاتړ وکړئ

په ايران کي د ولسمشرۍ د ناندريزو ټاکنو د لومړۍ کاليزي په ترڅ کي د متحده ايالاتو ولسمشر بارک اوباما پر نړۍ ږغ کړی دی، چي د ايرانيانو څخه دي د آزادۍ په مبارزه کي ملاتړ وکي...

د امريکا جمهوررئيس بارک اوباما

د امريکا جمهوررئيس بارک اوباما

اوباما زياته کړې چي د ايرانيانو زړورتيا هغه خلګو ته يوه ښه بېلګه ده چي غواړي د آزادۍ، عدالت او حرمت په برخه کي کوښښ وکړي.

ټاکل سوې وه چي نن د ايران په اسلامي جمهوريت کي د اوپوزيسيون غورځنګ يوه غوڼده وکړي خو د حکومت لخوا هغه منع سوې ده. اپوزيسيون په خپله يوه انټرنټ پاڼه کي د خپلو غونډي د ځنډولو وجه د تاؤ تريخوالي د مخنيوي هڅه بللې ده.

د ملگرو ملتونو د امنيت شورا لخواپر ايران د نووبنديزونو د لگولو وروسته هغه هيواد ډير سخت غبرگون ښودلی دی.

د نوموړي هيواد دولتي تلويزيون ويلي دي چي، د نوو بنديزونو د لگولو وروسته به اوس د ايران پارلمان د نړيوالي اټومي ادارې سره د خپلو همکاريو په هکله له سره غور وکړي.

په عيني حال کي اوس اروپايي ټولنه پر دې غور کوي چي، د نړيوالو بنديزونو تر څنگ پر ايران د خپلي لوري لا زيات بنديزونه ولگوي او که څنگه.

روسيې چي پر ايران د نوو بنديزونو د لگولو پلوي کړې ويلي دي چي، پر بنديزونو سربيره به ايران ته د توغندويه هغه سيسټم ورکړي چي ورسره ژمنه يې کړې وه.

AG/ احمد ولي اڅگزی

کتونکی. زيارمل