1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اوباما خپل مرستيال و ټاکی

د امريکا د جمهوري رياست لپاره د ډيموکراټ ګوند کانديد، بارک اوباما، په بهرني سياست کي ډيره تجربه لرونکی جوی بايدن،د خپل مرستيال په توګه ټاکلی دی

د ډيموکرات ګوند کانديد بارک اوباما او د هغه مرستيال جوی بايدن

د ډيموکرات ګوند کانديد بارک اوباما او د هغه مرستيال جوی بايدن

بايدن چي پر بوش د نيوکه کونکي په توګه خاص شهرت لري، پر بارک اوباما باندي يې هم نيوکي کړي دي.

بارک اوباما ويلي وه چي، هغه به خپل د مرستيال په هکله لومړی خبري رسنۍ نه، بلکي خپل پلويان د اس ام اس د پيغام په توګه د موبايل ټيلفون د لاري خبر کړي. خو دا خبري رسنۍ وې چي پرون تر ټولو د مخه د اوباما د مرستيال د ټاکلو تصميم يې خپور کړی.

د اوباما په خوښه هغه سړی چي د اوباما مرستیال سي، جوی بايدن، نوميږي.که څه هم له دليور څخه دغه 65 کلن سناتور د اوباما،د سياست سره چي په واشنګټن کي د بدلون او نوي پيل د سياست ناري وهي چندان پلوي نه کوي،خو بايدن، چي په مسلک کي مدافع وکيل دی د 36 کلونو راهيسي د امريکا د متحده ايالاتو د سنا د جرګې غړی دی.

جوی بايدن د شنبې په ورځ په رسمي ډول د بارک اوباما لخوا د خپل مرستيال په توګه اعلان سو

جوی بايدن د شنبې په ورځ په رسمي ډول د بارک اوباما لخوا د خپل مرستيال په توګه اعلان سو

بايدن د هغه توانمندۍ خاوند دی چي بارک اوباما، يې نه لري او هغه دا چي په بهرني سياست کي ډيره تجربه او ډيره غښتلې سياسي ژبه لري. بل هيڅ يوه سناتور د امريکا د متحده ايالاتو پر جمهور رييس بوش، باندي داسي نیوکه نده کړې لکه بایدن، چي کړې ده

بايد وايي:«بالاخره جرآت ولری او خپلي کابينې ته ووايه چي نور دغه مسخره سياست ته خاتمه ورکړي.»

دا هغه چيغي دي چي اوباما غواړي چي په راتلونکو اونيو کي د بايدن، څخه يې واوري. خو دا وار پر بوش نه، بلکي د هغه پر ملګري مک کين باندي.