1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

امریکا له طالبانو غوښتي چې په خبرو کې گډون وکړي

امریکا یووار بیا له طالبانو غوښتي دي چې د سولي په خبرو اترو کې گډون وکړي. امريکا ویلي دي، که چیرې طالبان په خبرو کې گډون و نه کړي، نو افغان او امریکايي ځواکونه به د تاوتریخوالي احتمالي زیاتیدو له پاره چمتووالی ونیسي.

طالبانو د تیري شبنې په ورځ وویل چې د سولي په خبرو کې به گډون و نه کړي او په دې سره یې د سولې د خبرو اترو د بیا راژوندي کولو هڅې له شک سره مخامخ کړي دي. د سولې په څلور اړخیزو خبرو اترو کې د افغان، پاکستان، چین او امریکا متحدو ایالاتو حکومتونو استازي گډون لري.

رویټرز خبري آژانس په خپل رپوټ کې لیکلي دي چې د امریکا متحدو ایالاتو د بهرنیو چارو وزارت ویاند جان کېربي ویلي دي چې امريکا د افغان ولسمشر محمد اشرف غني د هغې غوښتنې ملاتړ کوي چې له وسله والو طالبانو یې د سولي په خبرو اترو کې د گډون غوښتنه کړې ده.

کېربي زیاته کړې ده: «هغوی انتخاب لري چې د خپلو وطنوالو پر ضد جگړې او د هیواد بې ثباتۍ ته د ادامې ورکولو پر ځای د سولي په خبرو اترو کې گډون او په نهایت کې د یوه خپلواک او متحد افغانستان د یوه مشروع سیاسي سیتم برخه گرځي.»

هغه په خپلو خبرو کې ویلي دي، که چیرې د سولي پروسه ځای ونه نیسي او طالبان و نه غواړي د خبرو اترو میز ته کښېني نو افغان او امریکایي ځواکونه به په پسرلي کې د احتمالي تاوتریخوالي زیاتیدو ته چمتووالی ونیسي.

په فيبروري میاشت کې د سولي تر څلور اړخیزي غونډي وروسته چارواکو هیله څرگنده کړې وه چې ښایي د مارچ میاشتې په پېل کې د افغان حکومت او طالبانو تر منځ مستقیمي خبري اترې پیل شي. خو د شنبې په ورځ طالبانو وویل چې د سولې په خبرو اترو کې گډون نه کوي.

تیر کال د سولي خبري اتري هغه وخت وځنډیدې چې په ناڅاپي توگه د طالبانو د مشر ملا عمر د مړیني خبر چې دوه کاله تر مخه مړ شوی وو خپور شو.