1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

امریکا غواړي په جاپان کي خپل دفاعي راکټي سیستم ته پراختیا ورکړي

امریکا غواړي په جاپان کي خپل دفاعي راکټي سیستم ته پراختیا ورکړي. د امریکا د متحده ایالاتو د دفاع وزیر لیون پانیتا توکیو ته د خپل سفر په ترڅ کي وویل، چي دواړه هیوادونه دې موافقې ته رسېدلي دي، چي د جاپان پر قلمرو باندي د رادار دوهم سیستم هم جوړ کړي. ده زیاته کړه چي زموږ هدف دا دئ چي د شمالي کوریا د راکټي ګواښونو په مقابل کي ښه عکس العمل وښودلای سو. دغه کار له دې امله هم تر سره کیږي، چي د چین او جاپان ترمنځ اړیکي هم د جزایرو پر سر د شخړي له امله ترینګلي سوي دي. چین ته د شمالي کوریا د یوه متحد په سترګه کتل کیږي. دغه هیواد د خپل اټومي پروګرام له کبله منزوي سوی دئ او اوس هم تر ډېر فشار لاندی دئ.