1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

امریکا، سعودي عربستان ته پوځي تجهیزات ورکوي

امریکا متحده ایالاتو، سعودي عربستان ته د څه باندې یو میلیارد یورو په ارزښت پوځي تجهیزاتو پر لیږدولو موافقه کړې ده. په دغو پوځي تجهیزاتو کې ټانګونه، زغروال موټر، درنې او سپکې وسلې شاملې دي.

د امریکا متحده ایالاتو د دفاع وزارت یا پنتاګون د سه شنبې په ورځ (د اګسټ میاشتې ۹مه نیټه) په ورځ خبر ورکړ چې د امریکا د بهرنیو چارو وزارت سعودي عربستان ته د ۱۵۳ ټانګونو په شمول د درونو پوځي تجهیزاتو له استولو سره موافقه کړې ده.

سربیره پر دې، به زرهدار وسایط، توغندي ویشتونکې دستګاوې او مهمات هم ریاض ته واستول شي.

د دغو تجهیزاتو ارزښت څه باندې یو میلیارد یورو ښودل شوی دی. سعودي عربستان ته د دغو تجهیزاتو د استولو له پاره تر هر څه مخکې باید د امریکا کانګرس موافقه وکړي.

امریکایي چارواکو د دغو تجهیزاتو د لیږد په تړاو ویلي چې سعودی عربستان د امریکا د متحده ایالتونو نژدي متحد دی چې د فارس خلیج سیمې په «سیاسي ثبات» کې مهم او تعینوونکی رول لري.

دوی ویلي دي چې امریکا دغه اقدام په یوه ستراتیژیکه سیمه کې د خپل یو متحد د امنیت او په ټوله کې د امریکا د ملي امنیت ساتلو په موخه کوي.

سعودي عربستان اوس مهال په هغه پوځي ائتلاف کې شامل دی چې د امریکا متحده ایالاتو په مشري د اسلامي حکومت یا داعش ډلې جنګیالیو پر وړاندې جګړه کوي.

عربستان سربیره پر دې په یمن کې د حوثي جنګیالیو پر ضد د پوځي ائتلاف مشري هم پر غاړه لري.

ملګرو ملتونو د روان کال په جون میاشت کې دغه پوځي ائتلاف په دې تورن کړ چې د یمن په هوایي بریدونو کې یې د ماشومانو په ګډون ملکي کسان وژلي دي. له هغې وروسته د بشر حقونو څو سازمانونو سعودي عربستان پر وړاندې د جزايي اقداماتو غوښتنه کړې وې.

نور مطالب:

DW.COM

DW.COM