1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

امریکا: روسيه، اوکراين ته نژدې پوځي حضور پياوړی کوي

د امريکا متحدو ايالاتو د بهرنيو چارو وزارت په دې اړه چي روسيه د اوکراين په ختيځ کي د بېلتون غوښتونکو ملاتړ کوي نوي جزئيات وړاندي کړي دي. پر دې سربيره روسيې له اوکراين سره سرحدي سيمو ته نور عسکر لېږلي دي.

د امريکا متحدو ايالاتو د بهرنيو چارو وزارت وياندي ماريا هارف د روسيې پر اقدام باندي نيوکي کوي چي وايي «د روسيې پوځ د اوکراين ختيځ سرحد ته نژدې د دافع هوا دستگاوي نصب کړي دي او يو شمېر ئې حتی د جنگ کرښي ته نژدې درولي دي.»

هغې ويلي دي چي پر دې سربيره روسيې د اوکراين سرحد ته نور عسکر هم لېږلي دي چي په دې سره نو اوس د اوکراين په سرحد کي تر بل هر وخت ډير روسي عسکر سره راټول سوي دي.

هارف پر دې باندي هم نيوکي کړي دي چي روسيه، د اوکراين په ختيځ کي په پراخه پيمانه بېلتون غوښتونکي روزي، پوځي ملاتړ يې کوي او د بې پيلوټه الوتکي زده کړي ورکوي. په جنگي سيمه کي د بې پيلوټه الوتکو شتون «د روسيې ښکاره حضور ښيي.» هغې دغه راز ويلي دي چي روسي ځواکونو او بېلتون غوښتونکي په ښکار د «مينسک تړون» نه مراعاتوي.

د امریکا د بهرنيو چارو وزارت وياندي زیاته کړې ده چي روسيې او بېلتون غوښتونکو په هغه سيمه کي چي د مينسک د سولي په تړون کي د درنو وسلو له پاره ممنوع اعلان سوې ده، درنې وسلي لکه توپونه او ټانکونه ځای پر ځای کړي دي. او پر دې سر بيره له روسيې څخه د اوکراين ختيځ ته ډيري درنې وسلې انتقال سوي دي.

يو شمېر غربي هيوادونه او اوکراين پر روسيې باندي تور لگوي چي د اوکراين په ختيځ کي د ياغيانو پوځي ملاتړ کوي. خو روسيه دغه تورونه نه مني.

امريکا د اوکراين پوځ روزي

د امريکا پوځ د دوشنبې له ورځي راهيسي د اوکراين پوځ د روزلو ماموريت پيل کړی دئ. امريکا دغه راز د اوکراين پوځ ته نظامي تجهيزات لکه زغروال نقليه وسايل، زغري، رادار او د شپې دوربينان ورکوي. خو واشنگټن تر اوسه پوري د وسلو ورکولو غوښتنه رد کړې ده.

د اوکراين په ختيځ کي روسيې پلوه بېلتون غوښتونکي له نزدې يوه کال راهيسي د اوکراين له حکومتي ځواک سره جنگیږي. له هغه وخت راهيسي په دغه جنگ کي نزدې ۶۰۰۰ انسانان وژل سوي دي.

د روان کال په فبروري مياشت کي دواړو اړخونو د سپيني روسيې په پلازمېنه مينسک کي د سولي پر يوه پلان باندي سره سلا سول. او له هغه راهيسي زورزياتی کم سوی دئ. خو د څارونکي په خبره بيا هم خال خال نښتي کيږي.

DW.COM