1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

امریکا د اسلامي دولت پر ضد نوي هوایي بریدونه کړي

امریکا متحده ایالاتو ویلي دي چې په سوریې او عراق کې یې د اسلامي دولت ترهگرې ډلې پر وړاندې څو هوایي بریدونه کړي دي. فعالان وایي چې کوردي جنگیالیو له کوباني ښار څخه په دفاع کولو کې واړه پرمختگونه کړي دي.

د امریکا متحده ایالاتو د پوځ مرکزي قوماندې ویلي دي چې امریکایي الوتکو د اسلامي حکومت ترهگرې ډلې پر ضد په کوباني ښار کې د سه شنبې او چهارشنبې پر ورځو ۱۹ بریدونه ترسره کړي دي.

پر دې سربیره امریکايي هوايي ځواک په عراق کې هم د اسلامي حکومت د جنگیالیو پر پنځو اډو باندې بریدونه کړي دي.

د کوباني له پاره جگړه

د چهارشنبې په ورځ په یوې خبرې شوې بیانیه کې د امریکا متحده ایالاتو پوځې قوماندې له مرکز څخه ویل شوي وو چې په کوباني کې هوایي بریدونه له کوردي ځواکونه څخه د ملاتړ په موخه ترسره شوي دي.

ویل شوي دي چې د امریکا تر هوایي بریدونو یوازې څو ساعته وروسته، کوردی جنگیاليو د اسلامي دولت پر ضد په جگړه یو څه پر مختگ کړی دی.

تر دې مخکې د دوشنبې په ورځ د امریکا متحده ایالاتو د دفاع وزارت ویلي وو چې کوباني ښار ته نزدې ۲۱ هوایي بریدونه شوي دي.

د امریکا او تریکې اړیکې

د دوشنبې په ورځ بیا ترکیې په خپله خاوره کې د کوردني جنگیاليو پر وړاندې هوایي عملیات په لاره واچول. له دې سره ترکیې د امریکا متحده ایالاتو پر هغې غوښتنې سترگې پټې کړې دي چې خپل ټول پام دې د اسلامي حکومت جنگیالیو ته واړوي.

دا د ۲۰۱۳ کال له مارچ میاشتې راهیسې لومړۍ ځل دی چې ترکیې د کوردي جنگیالیو پر وړاندې هوایي بریدونه کړي دي. په وروستیو وختونو کې د ترکیې او د کوردانو د PKK گوند تر منځ اړیکې ځکه ترینگلې شوې دي چې انقره هغوی ته له کوباني ښار څخه د دفاع کولو اجازه نه ورکوي.

DW.COM