1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

امریکايي سرتیري ویکیلیکس ته د اسنادو سپارل ومنل

هغه امریکايي سرتیري چې ورباندې د ویکیلیکس ویبپاڼې ته د محرمو دولتي اسنادو د ورکولو تور لګول شوی دی، پر خپل ځان باندې ځیني لګول شوي تورونه منلي دي، خو دا تور یې رد کړی چې ګواکې له «دښمن» سره یې مرسته کړې ده.

WASHINGTON, DC - JANUARY 08: Pfc. Bradley E. Manning is escorted from a hearing, on January 8, 2013 in Fort Meade, Maryland. Manning attended a motion hearing in the case of United States vs. Pfc. Bradley E. Manning, who is charged with aiding the enemy and wrongfully causing intelligence to be published on the internet. He is accused of sending hundreds of thousands of classified Iraq and Afghanistan war logs and more than 250,000 diplomatic cables to the website WikiLeaks while he was working as an intelligence analyst in Baghdad in 2009 and 2010. (Photo by Mark Wilson/Getty Images)

Anhörung Bradley Manning Fort Meade USA

دغه سرتیری برادلي منینګ Bradley Manning نومیږي. هغه د پنجشنبې په ورځ خپل تورونه واوریدل چې د هغوی له ډلې څخه یې ځینې ومنل او یو شمیر یې رد کړل. منینګ دا خبره ومنله چې د امریکا له یو شمیر محرمو اسنادو څخه یې ناوړه ګټه پورته کړې ده، خو دا تور یې رد کړ چې د امریکا له دښمن سره یې مرسته کړې ده.

منینګ وویل، هغه اسنادو چې ده د ویکیلیکس ویبپاڼې ته ورکړې ول د «افغانستان او عراق د جګړو په اړه معلومات بربنډ کړل.» هغه زیاته کړه چې ده غوښتل له دې لارې د دغو جګړو په اړه بحثونه راوپاروي.

منینګ چې د امریکا متحده ایالاتو د پوځ په استخباراتو کې یې دنده ترسره کوله، په ۲۰۱۰ کال کې په عراق کې ونیول شو. دغه سرتیري هغه وخت په زرهاو محرم اسناد، دیپلوماتیک کیبلونه او ویدیوګانې د ویکیلیکس ویبپاڼې ته استولي وې. ویکیلیکس بیا دغه اسناد د انترنت له لارې خپاره کړل چې د امریکا متحده ایالاتو له پاره یې ډیرې ستونزې رامنځ ته کړې.

منینګ وویل مخکې له دې چې هغه ویکیلیکس ته دغه اسناد وسپاري، له نورو رسنیو لکه واشنګټن پوست، نیویارک ټایمز او پالیتیکو سره یې هم اړیکه نیولې وه. دغه سرتیري وویل: «هغه وخت ما باور درلود او اوس هم دغه باور لرم چې دا اسناد [د عراق او افغانستان د جګړې په اړه اسناد] زموږ د عصر تر ټولو مهم اسناد دي.»

هغه همداراز د عراق له جګړې څخه ځینې ویدیوګانې هم د ویکیلیکس ویبپاڼې ته استولې وې چې په کې امریکايي سرتیري پر عراقي ملکي وګړو باندې د ډزو کولو په حال کې ښوول شوي ول. منینګ ویلي دي چې هغه د دې په خاطر د ویکیلیکس ویبپاڼه انتخاب کړې ده، چې هغه «غیر قانوني فعالیتونه بربنډوي او تقریباً اکادمیکه» بڼه لري.

اوږد مهاله بند

منینګ کیدای شي چې یوازې د هغو تورونو له کبله چې ده منلي دي، د ۲۰ کلونو له پاره زندان ته واستول شي. هغه له ځان څخه د دفاع کولو له پاره یوه ۳۵ پاڼیزه دفاعیه هم جوړه کړې ده، خو قاضي باید پریکړه وکړي چې دغه سرتیری د خپلې دفاعیې څومړه پاڼې لوستلای شي.

د منینګ پوځي محکله به د جون د میاشتې په دریمه نیټه ترسره شي او هغه ته به یې سزا واوروله شي.