1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

امريکا او اروپا لبنان سره مالي مرسته کوي

د لبنان په اړه د مرستو جلبولو يو نړيوال کنفرانس نن پنج شنبه په پاريس کې تر سره کېدونکی دی. ټاکل شوې ده چې په دې غونډه کې به د لبنان د بيارغاونې دپاره پنځه مليارډه ډالره راټول شي. د امريکا متحده آيالات او اروپايي اتحاديې د مرستې ژمنې کړي دي.

د لبنان لومړی وريز فواد سينيورا

د لبنان لومړی وريز فواد سينيورا

د امريکا متحده آيالات غواړي چې د جگړه ځپلي لبنان دپاره 770 مليونه ډالره چمتو کړي. د نوموړي هېواد د بهرنيو چارو وزيره دغه مرستې د اوسني لومړي وزير فواد سينيورا د دولت د تقويه کولو پورې تړي چې له هغه سره به دا په پاريس هم وويني. دغه پيسې وړاندې له دې د امنيتي ځواکونو د روزنې په موخه هم ښايي ولگول شي. اروپايي اتحاديې په خپل وار د 400 مليونو ډالرو مرستې ژمنه کړې ده. دغه پيسې په تېره بيا د سمښتونو دپاره او همداراز د ماينونو د پاکولو په موخه برابرې شوي دي.