1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

البانیا ۱۸ افغان مهاجر نیولي دي

د البانیا پولیس وایي چې ۱۸ افغانان یې نیولي دي چې له یونان څخه په غیرقانوني توگه د دوی هیواد ته ننوتي وو. پر دې سربیره پولیسو نور شپږ تنه چې یو افغان هم په کې شامل دی هم نیولي دي.

Kyllini Flüchtlinge Griechenland Piraeus Flüchtlinge werden nach Auseinandersetzungen in andere Lager verteilt

انځور له ارشیف څخه

د اسوشیتد پرس خبري آژانس په خپل رپوټ کې لیکلي دي چې د البانیا پولیسو ۱۸ افغان مهاجر نیولي دي چې په غیر قانوني توگه د دوی خاورې ته ننوتي وو. زیاته شوې ده چې دغو افغانانو غوښتل چې له البانیا څخه کوزوو ته ولاړ شي او د هغه ځایه بیا د لویدیځي اروپا پر لور سفر وکړي.

د رپوټ له مخې دغه افغانان په یوه کوچني مني بس کې سپاره ول چې د پولیسو له لوري د کوزوو پولې ته څیرمه ودرول شول.

د پولیسو له لوري په خپره شوې بیانیه کې وړاندې راغلي دي چې پر دې سربیره نور پنځه البانویان او یو افغان په غیر قانوني توگه د پولې څخه د دغو کسانو د تیرولو د سازماندهۍ په تور نیول شوي دي.

اتلس نیول شوي کډوال د مهاجرو کمپ ته بیول شوي او په زیات احتمال سره به د قانوني چارو د تر سره کیدو وروسته بیرته یونان ته واستول شي.

البانیا تر اوسه د لویدیځې اروپا پر لور د مهاجرو د تیریدو لویه لار یا اصلي مسیر نه وو.

اړوند مطالب