1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

افغان پيلوت شپږ بهرني سرتيري ووژل

د چارواکو د وينا له مخي نن په کابل ‍‍‍ د ناتو په يو تعليمي مرکز کي له يوي لفظي شخړي وروسته يو افغان پيلوت پر بهرنيو سرتيروډزي وکړي او شپږ بهرني سرتيري يي ووژل. د ناتو تر مشري لاندي ايساف دا خبره تصديق کړي دی

د آیساف سرتیری د تیارسی ّه حال ÷ی دی

د آیساف سرتیری د تیارسی ّه حال ÷ی دی

د ايساف په خپري شوي خبرپانه کي راغلي دي چ : « د نړيوال امنیتي مرستندوي ځواب ايساف شپږ سرتيرو باندي ډزي وشوي.» په خبره پانه کي د بهرنيو سرتيرو هويت څرګند شوي نه دي.

د افغانستان د دفاع وزارت هم د پيښي پخلي کړي او وويلي دي چي د کابل په هيوایی ډګر کي ځيني پوځيان وروسته له هغی ټپيان او وژل شول چي يو افغان هوايي افسر د بهرنيو ځواکونو سره لفظي شخړه وکړه. دغه پيښه د کابل په هوايي ډګر کي منځ ته راغلي چيرته چي د افغانستان د هوايي پوځ مرکز پروت دي.

د افغانستان د دفاع د وزارت وياند، ظاهر عظيمي، د يوي خبر پاڼي په ترڅ کي وويل: « دغه پيښه د سهار د 11:00 بجو په شاوخوا کي، د افغانستان د هوايي پوځ په مرکز کي د يوي لفظي شخړي وروسته رامنځ ته شوه له هغي وروسته بهرنيو او افغان سرتيرو پر يو بل ډزي وکړي»

خو عظيمي دا څرګنده نه کړه چي د افغانانو په اړخ کی هم څوک وژل شوي يا ټپيان شوي دي که نه.

د طالبانو يوي سرچيني خبري رسنيو ته ويلي دي چي « ګواکي دا کار د هغوی د نفوذي افرادو له خوا شوي دی». د داسي پيښو څخه وروسته معمولا طالبان ډير ژر د هغي مسووليت په غاړه اخلي.

خو د افغانستان د حکومت يو چارواکي چي د خپل هويت د نه بربنډولو په شرط يي د فرانس پرس خبري آژانس ته معلومات ورکړل، وويل : « بريد کونکي يو افغان پيلوت دی چي 50 کاله عمر لري او د کابل د اوسيدونکو د يوي معتبري کورني څخه دي.». هغه يادونه: « دغه پيښه د يوی لفظي شخړي په نتيجه کي رامنځ ته شوي نه د کوم تروريستی عمل سره.»

د کابل ملکي هوايي ډګر ته څيرمه د افغانستان د ملي اردو د هوايي قواوو مرکز دي، چيرته چي ناتو د افغانستان د ملي اردو منسوبين روزي.

دا لومړي پييښه نه ده چي د افغانستان د امنیتی ځواکونو يو غړي پر بهرنيو ځواکونو باندي بريد کوي. له دي مخکي هم دی ته ورته پيښي رامنح ته شوي دي.

د ناتو هڅس چی د افغانستان ملی امنیتی ځواکونه وروزی او په وسلو یی سمبال کړی تر څو تر 2014 کال پوری د خپل هیواد امنیت خپله وساتی، د یاغیانو د هغو افرادو چی ګمان کیږی د ملی امنیتی ځواکونو په لیکو کی یی نفوذ کړی او یا یی د هغوی له یونیفورم څخه کار اخیستی دی، اغیزمنی کړی دی.

آژانسونه/ مسعود جهش

کتونکي: عبدالباري حکيم

DW.COM