1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

افغان پانگوال راتلونکي ته خوشبين دي

د افغانستان د سوداګرۍ او صنایع خونې په دغه هيواد کې د کاروبار د وضعیت په اړه د یوې څیړنې په خپرولو سره ویلي دي چې افغان پانګوال او سوداګر د ۲۰۱۴ کال په اړه اندیښمن نه دي. (انځور له آرشيفه)

Afghan National Industrial Exhibition Afghan National Industrial Exhibition opened in Kabul, Afghanistan on November 27, 2012. Afghanistan’s President Hamid Karzai on Tuesday called on national and international investors to invest in the conflict-ridden country. Photo: Afghan Eyes Afghan Eyes is DW photo partner in Afghanistan and we have right to use the photos. Zulieferer: Gol Ahmad Mohammad Reza

Afghanistan Nationale Wirtschaftsausstellung

خو د سوداګرۍ او صنایع خونې رئیس قربان حقجو د چهارشنبې په ورځ (۲۰۱۳کال د جون ۵) په کابل کې د دغه څیړنې د اعلانولو پرمهال خبریالانو ته وویل: «سره له دې چې په ټولنه او په زیاته بیا په خصوصي سیکتور کې یو ډول ناهیلي حاکمه ده، خو له نیکه مرغه له هغو کسانو څخه چې د سروې په ترڅ کې پوښتن ځني شوي دي، د افغانستان د راتلونکي اقتصادي حالت په اړه خوشبینه دي.»

د سوداګرۍ خونې مسئولین وایي چې د افغان دولت د اصلاحاتو او ادارې فساد پر ضد مبارزې په برخه کې تلاښونو په خصوصي سیکتور کې د راتلونکي په اړه تاثیرات لرلي دي.

ښاغلي حقجو زیاته کړه چې پانګه اچوونکو ته د ځمکو د ویش ژمنې او د مالیاتو بخښل هم د راتلونکي په اړه د پانګوالو د خوشبینۍ لامل ګرځیدلی دی. خو هغه له افغان حکومت څخه وغوښتل چې په دې برخه کې يې کومې ژمنې کړي دي هغه عملي کړي. دغه بر رسي د بیلګې په توګه په کابل او مزار شریف کې تر سره شوې ده.

د سوداګرۍ خونه وایي چې له دې وروسته به په هرو درو میاشتو کې د تجارت او پانګه اچونې د وضعیت په اړه یوه څیړنه تر سره کوي، ترڅو پالیسي جوړونکي د اقتصادي اړتیاو په پام کې نیولو سره تصمیم ونیسي.

په هرات کي د ورېښمو يوه فابريکه

په هرات کي د ورېښمو يوه فابريکه

له موجوده وضعې نا رضایتي

دغه څیړنه دا هم په ډاگه کوي چې فساد او نا امني، د پانګه اچونې او سوداګرۍ پر وړاندي تر ټولو لویه ستونزه ده.

ښاغلي حقجو وړاندې وویل: «له ټولو هغو کسانو څخه چې په دغه سروې کې پوښتني شوي، د اوسنۍ وضعې په اړه ناخوښه دي. د امنیت نشتوالی، بریښنا او پورونو ته نه لاس رسی، په ځانګړې توګه په ګمرکونو او مستوفیتونو کې ادارې فساد او په داوطلبیو کې د شفافیت نشتوالی د نارضایتۍ اصلي لاملونه دي.»

د سوداګرۍ خونې مسئولین وایي چې د کاري قوې کموالی د افغانستان د اقتصادي ودې د پرمختګ پر وړاندي یو له اصلي خنډونو څخه دی. د سوداګرۍ خوني مرستیال خان جان الکوزی وایي چې په اوس وخت کې ۲۵ زره خارجي کاریګر د افغانستان په فابریکو او نورو برخو کې کې کار کوي، خو افغان کاریګر د نوو مهارتونو د نه درلودلو له امله کارونو ته نه جذبیږي. هغه زیاته کړه:

«زموږ له جدي ستونزو څخه یوه هم د مسلکي کارګرو نه شتون دی. اوس وخت هغه کاریګر په درد نه خوري چې یوازي عادي سواد ولري. بلکې کاریګر باید د تکنالوژۍ، سیستم او معاصر علم په برخه کې مجهز وي.»

الکوزي زیاته کړه چې افغان دولت مسئولیت لري چې د کاریګرو د مسلکي کیدو له پاره غوره لاري چارې ولټوي او په خصوصي سیکتور کې د حرفوي کاري قوت د کمبود ستونزه له منځه یوسي.

په دغه څیړنه کې د کاروبار د وضعې په اړه د ۵۹۰ تنو پانګوالو او تجارانو څخه پوښتنې شوي دي. زیاتره پانګوالو ویلي دي چې له اوسنۍ وضعې څخه ناراضه دي، خو د راتلونکي په اړه هیله مند دي.

د کابل په ښار کې ۵۲ سلنه پانګوالو ویلي دي چې د راتلونکي په اړه خوشبینه دي او د ۲۰۱۴کال په اړه اندیښنه نه لري.

څیړنه دا هم ښیي چې کوچني شرکتونه او پانګوال تر نورو ډیر ناراضه دي. د دې ناخوښۍ علت د خپلو ستونزو د حلولو په برخه کې مربوطه مقاماتو ته نه لاس رسۍ ښوول شوی دی.