1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

افغان حکومت د کندز ښار سقوط تایید کړ

افغان حکومت تایید کړې ده چې طالبانو د کندز ښار تر خپل کنترول لاندې راوستی دی. دا له ۲۰۰۱ کال راهیسې لومړی ځل دی چې طالب جنګیالي په دې توانیږي چې د یوه ښار مرکز له امنیتي ځواکونو څخه ونیسي.

د افغانستان د کورنیو چارو وزارت ویاند صدیق صدیقي، د اسوشیتد خبري آژانس ته ویلي دي چې «د کندز ښار د طالبانو لاس ته لویدلی دی».

طالب جنګیالیو د دوشنبې سهار وختي له څو اړخونو د کندز پر ښار باندې برید وکړ او د ښار محکمه، روغتون او دولتي ودانۍ یې تر خپل کنترول لاندې راوستې. د بې سرحده ډاکټرانو نړیوالې ادارې ویلي دي چې تر اوسه پورې یې په دغه ښار کې د ۱۰۰ تنو ټپیانو درملنه کړې ده.

د کندز ښار په داسې حال کې د طالبانو په لاس سقوط کوي چې د ولسمشر په توګه د محمد اشرف غني، د کار د پیلیدو یو کال پوره کیږي.

DW.COM