1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

افغانستان ۳۹۳ میلیونه ډالرو ته اړتیا لري

ملګرو ملتونو په روان کال کې له میلیونونو اسیب پذیره افغانانو سره د مرسته کولو په موخه د ۳۹۳ میلیونه ډالرو غوښتنه کړې ده. په افغانستان کې د فقر او جګړو له کبله اوس هم ډیر شمیر کسان مرستې ته اړتیا لري.

په افغانستان کې د ملګرو ملتونو د مرستو همغږي کوونکي مارک باودن، او د ملي یووالي حکومت اجراییه رییس عبدالله عبدالله، د چهارشنبې په ورځ (د جنورۍ ۲۷مه نېټه) د تلویزیون له لارې په روان کال کې له افغانانو سره د مرستې په موخه د پیسو د راټولولو غوښتنه وکړه.

د ۲۰۱۶ کال له پاره په افغانستان کې د ملګرو ملتونو د بشري مرستو په پلان کې افغانانو ته د خوراکي او نورو اړینو توکو رسول چې د سرپناه، روغتیایي خدماتو، تغذیې، پاکو اوبو او نورو ضروریاتو رسول شامل دي.

عبدالله عبدالله په خپلو خبرو کې هیله څرګنده کړه چې مرستندویه هیوادونه به د تیرو کلونو په څیر له افغانستان سره خپلو مرستو ته دوام ورکړي او په دې ترتیب سره به افغانانو ته په ۲۰۱۶ کال کې هم اړینې مرستې ورسیږي.

که څه هم په تیرو ۱۴ کلونو کې له افغانستان سره ډیرې مرستې شوې دي، خو بیا هم دغه هیواد د روانو جګړو، وچکالیو، فقر او طبیعي افاتو له کبله په دوامداره توګه مرستو ته اړتیا لري.

DW.COM