1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

افغانستان :په جنګ کي د آلماني پوځ ورداخليدل

يووار بيا سياست په افغانستان کښي د آلماني عسکرو په سرنوشت کښي برخه واخيستله ، او پر هغه باندي خبري او بحثونه هم په تلوار سره شروع سول . خبري او بحثونه پر دې دي چه آيا نسي کيدلای آلماني عسکر نور هم ښه مجهز سي

آلماني پوځ په افغانستان کښي

آلماني پوځ په افغانستان کښي

خبري پر درنو وسلو لکه زره پوښونو ، او ټانکونو باندي دي ، کوم چه د وسلې جوړولو فابريکې يې په اوس وخت کښي لري ، اووکولای سي د افغانستان په اراضي کښي په ښه ډول فعاليت وکي . طبعاًد شک او ترديد سره ملګرې هغه غوښتنه چه ددرو آلماني عسکروتر وژل کيدو وروسته رامنځته کيږي ، خو داسي يوه غوښتنه ، چه په واقعي ډول به بيا هم مرسته ونکړي .

د ښو وسلو دپاره مبارزه او پلاس راوړل ، چه يوازي ظاهرأ به غوښتني مرفوع کي ، خو واقعأ نه . يو شی چه معلوم دي ، هغه داچه آلماني پوځ په افغانستان کښي نور په هغه ډول چه تر اوسه يې کول ، دوام نسي ورکولاي .

که طالبان د آلماني پوځ پر موجوديت سربيره د افغانستان په شمال کښي وسعت پيداکوي ، او د آلماني پوځ په مقابل کي د مينونو ، چاودونو او کمينونو د لاري ددوی سره جنګ کولای سي ، نو بيا وضع ډيره تغير سوې ده . بيا نو خبره د ځان پر دفاع باندي ده ، او نه د افغانستان پر ثبات او بيرته ابادولو باندي . که د آلماني پوځ هره ګزمه او قطار د خطر سره مخامخ وي ، بيا نو په کندوس او مزارشريف کښي ډير څه هم نسي کولای . آلماني پوځ نسي کولای د طالبانو پر ضد نظامي عمليات تر سره کي ، ځکه د هغه اجازه نلري . که دوی ونسي کولاي خپله وطيفه اجرأ کي ، نو نتيجه به داوي چه د افغانستان څخه بايد راووزي . يعني داچه ددوی عمليات په ورکول سوې ساحه کښي ثبات را نه وستلای سي، او د خلګو حمايه او ساتنه ونکي .

د جرمني ددفاع وزير کارل-تيودور څو ګوټن بِرګ په افغانستان کښي

د جرمني ددفاع وزير کارل-تيودور څو ګوټن بِرګ په افغانستان کښي

2010 عيسوي کال بايد په افغانستان کښي قاطع کونکی کال وي ، ځکه چه هلته تر 100000 اضافه خارجي عسکر په فعاليت او نظامي عملياتو اخته دي . د ناټو پر ټولو هغو کوښښو او فعاليتو سربيره چه غواړي افغانستان په زور سره آرام کي ، ښکاري چه افغانستان د نظامي لاري نسي ګټل کيدای . او ورځ په ورځ لا حالت ورته خرابيږي هم .

پداسي حال کښي چه خارجي ، د هغې جملې څخه آلماني عسکر په افغانستان کښي وژل کيږي، جمهور رييس حامد کرزی خپلو متحدينو ته شا وراړوي . دي د ناټو د پلان سوو نظامي عملياتو سره مخالفت کوي ، خارجيان د جمهوري رياست په انتخاباتو کښي د لاسوهنو مسؤل بولي ، او حتی د طالبانو سره زړه سوی ښکاره کوي . او دا ښه نده چه کرزي چه تر ډيره حده پوري د غربيانو د لاس آله ښکاري ، خاصتأ په ۲۰۱۰ کال کښي خپل سياسي ژوندي پاته کيدل په دغه ډول اطميناني کوي .

تر اوسه پوري د آيساف عمليات د کابل د حکومت او ناټو سره په روابطو کښي تر سره کيدل ، او که دغه اساس له منځه ولاړ سي ، نو به نظامي عمليات تر سوال لاندي راسي ، او د ناټو د عسکرو دپاره به نور ه هم وضع خطرناکه سي ، چه بيله هغه هم د ډيرو افغانانو لخوا په ښه سترګه نه ورته کيږي ، ا ورته اشغالي قواوي ويل کيږي .

ويرک هويزر

کتونکي : محمد قاسم نوري