1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

افغانستان پاکستان ته خبرداری ورکړی دئ

افغان دولت پاکستان ته خبرداری ورکړی دئ چې د پاکستان له خاورې پر افغانستان د راکټونو ورول کولای شي چې د دواړو هیوادونو اړيکي ډیرې زیانمنې کړي. د ورکړل شوو راپورونو له مخې په تیرو دوو ورځو کې د کونړ ولایت د دانگام او شیگل پر ولسوالیو د پاکستان له خاروې تر درې سوو زیات راکټونو توغول شوي دي.

د افغانستان د بهرنیو چارو د وزارت معین جاوید لودین د شنبې په ورځ د پاکستان سفیر د بهرنیو چارو وزارت ته ورغوښتی وو چې د دغه مسئلې په سر ورسره وغږیږي. د بهرنیو چارو د وزارت له خوا په خپره شوې خبرپاڼه کې راغلي دي چې لودین په کابل کې د اسلام آباد سفیر محمد صادق ته وویل چې د پاکستان له لوري د افغانستان پر خاوره دغسې بریدونو ته ادامه ورکول ښایي د دواړو هیوادونو اړیکي ډیرې ترینگلې کړي. اسلام آباد بیا دغه تورونه ردوي او وایي چې دغه راپورونه سم نه دي.