1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اسموسن: يونان ته بايد نور پورونه ور ونه بخښل سي

د اروپايي مرکزي بانک د رئيسه هيئت الماني غړي Jörg Asmussen د يونان د لا زياتو پورونو د معافۍ وړانديزونه رد کړي دي. هغه بلد نومي المانۍ ورځپاڼي ته ويلي دي چي د پورونو بخښنه د يونان له پاره د راتلونکي مرستندويه پېکج برخه نه ده. د نوموړي په وينا د قرضو تر بخښلو زيات مهم وړانديزونه دا دي چي د يونان پورونه بېرته رانيول سي او په دې توگه يې د سود کچه راکښته کړل سي. تر دې مخکي د دېر شپيگل په نوم المانۍ مجلې راپور ورکړی وو، چي نړيوال وجهي صندوق په اقتصادي توگه د يونان د ژغورلو له پاره د پلان پر جوړولو خبري کوي. په راپور کي راغلي دي چي د دغه پلان له مخي به ښايي يونان ته په ۲۰۱۵ عيسوي کال کي زيات پورونه وبخښل سي. په دغه پلان کي وړانديز سوی دی، چي دولتي پور ورکوونکي، يونان ته د خپلو پورونو نيمه برخه وروبخښي. د آلمان حکومت د دغه پلان د عملي کېدو په صورت کي د ميلياردونو يورو د مصارفو د رامنځته کېدو له کبله د لا زياتو پورونو د بخښلو مخالفت کوي.