1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

«اسلامي دولت» د وژني نوې ويډيو خپره کړې ده

د «اسلامي دولت» په نوم وسله والې ډلې ادعا کړې ده چي د امريکايي وګړی پېټر کېسيګ څخه يې سر پرې کړی دی. په اسلامي تندلارو وېبپاڼو کي یوه ویدو خپره شوې چې د دغه بیرحمانه عمل ثبوت ښي.

په ويډيو کي يو داسي سړی ښودل کيږي چي مخ يې پټ کړی دی. دغه کس ادعا کوي چي کېسيګ (په انځور کي) يې وژلی دی. د دغه شکمن وژونکي څنګ ته د يو انسان سر هم تر سترګو کيږي خو پخپله د وژني انځورونه نه سته.

د دغه ويډيو د اصل توب په تړاو تر اوسه هيڅ کوم بې پلوه اړخ تائيد نه دی کړی. د بريتانيې لومړي وزير ډېويډ کېمرون پر دغه وژنه سخت خپګان ښودلی دی. د نوموړي په وينا دغه وژنه يو ځل بيا ښيي چي «اسلامي دولت» څومره ويجاړ او بې رحمه دی. د امريکا د متحده ايالاتو حکومت ويلي دي چي د دغه ويډيو د اصل توب د معلومولو لپاره يې پلټنې پېل کړي دي.

په خپره سوې ويډيو کي د سر پرې کولو نورې پیښې هم ښودل سوي دي. په ويډيو کي ښودل کيږي چي يو کس چي مخ يې پټ دی، اوباما ته په خطاب کې وايي چي د امريکايي عسکرو سره به همدغسي چلن وسي. دغه کس د نوموړې ترهگرې ډلې د پراختیا غوښتنې پخوانی هوډ يو ځل بيا تکراروي چي خپله واکمني به تر سعودي عربستان، ليبيا او یا اروپا پوري وغځوي.

څو کاله مخکي تښتول سوی

د واشنګټن پسټ د راپور له مخي امريکايي وګړي کيسيګ په ۲۰۰۷م کال په عراق کي د پوځي په توګه دنده درلوده. زياته سوې چي کيسيګ د روغتيايي لاملونو له کبله په باعزته توګه د پوځ څخه ووت او د سياسي علومو په تحصيل يې پېل وکړ. هغه په سوريه کي د مرستو په پروژو کې ونډه درلوده.

د سي ان ان رسنۍ خبر ورکړی ؤ چي کيسيګ د يرغمل نيول کېدو وروسته مسلمان سوی ؤ. د هغه د کورنۍ په وينا کيسيګ د تېر کال په اکتوبر مياشت کي د سوريې په ختيځ کي وتښتول سو.

کيسيګ د وروستي ځل لپاره د «اسلامي دولت» د هغې ويډيو په آخر کي ښودل سوی ؤ چي پکښي د برېتانوي اېلن هېننګ وژنه انځور فلمبرداري سوې وه. د يادي وسله والې ډلې د مخکنيو ويډيوګانو په آخره کي ښودل سوي غربي يرغمل کسان هميشه وروسته وژل سوي دي.