اسراييليانو او فلسطينيانو دخبرو پردوام موافقه سره وکړه | آلمان او نړۍ | DW | 03.09.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

اسراييليانو او فلسطينيانو دخبرو پردوام موافقه سره وکړه

په منځني ختيځ کښي د امريکا خاص نماينده جورج ميشل د اسراييلو ، فلسطنيانو او امريکا ترمينځ درې اړخيزه اوږدې خبري اغيزمني او ګټه وري وبللې

default

نيتان ياهو او محمود عباس دواړو د ملکي خلکو په مقابل کې زور زياتی په کلکه وه غانده ، دواړو دا ژمنه وکړه چي پدغه سيمه کښي به د خلکو د امنيت او ډاډمنتوب دپاره هڅي کوي ، دواړو دا په ډاګه کړه چي د دواړو تر مينځ ددوو دولتو مسله په اصل کښي د لانجمنو پوښتنو د منځه وړلو لويه ستونزه ده .

دغه مشکل بايدپه راتلونکي يوه کال کښي حل او فصل ، او يو اساسي تړون رامنځ ته سي چي د دواړو دپاره د سولي يو بنسټ په ګوته کړي . پدې هکله ميتشل وايي،

« زموږ په درې اړخيزو خبرو کښي پر ډيرو مهمو ټکو باندي خبري وسوې ، جمهور ريس محمود عباس او د اسراييلو صدراعظم دواړو دا نظر جوت کړی چي راتلونکي خبري اتري بايد جدي او د باور وړ وي . دواړه پدې نظر وه چي خبري اتري هغه وخت نتيجه ورکوي چې باوري او پټي وي .»

George Mitchell / Nahost / Israel / Palästinenser / USA

د امريکا خاص نماينده ميتشل د شمالي ايرلينډ د بحران د نماينده په حيث د اوږدو او مشکلو پروسو په هکله خورا تجربه لري ، او دا اميدواري يې رامنځته کړه چي داسراييلو او فلسطنيانو په مسله کښي به هم د امريکا جمهور ريس ته برياليتوب ور په برخه کړي . ميتشل بيا وايي ،

«يو ښکاره تفاوت دادی چي د امريکا جمهورريس اوباما د يوازني جمهوررييس په حيث د جمهوري رياست د چوکۍ تر اشغاليدو وروسته دغي پروسې ته په مستقيم ډول په ډيره لوړه سويه د لمړيتوب حق ورکی او رأساً يې معامله وکړه . »

ده اضافه کړه چي ، د امر يکا د پخواني جمهوررييس څخه به په اخرنيو وختونو کښي هميشه وخت تيريدی .

د خبرو اترو په لمړي پړاو کې محمود عباس او نيتانياهو دواړو څرګنده کړه چي اصلي شخړه ايز ټکي په حقيقت کښي کوم دي : دواړو دې ته ځان تيار و ښوی چي په بعضو ټکو کښي بايد تفاهم ته لاره خلاصه سي . محمود عباس پر دې ټينګار وکی چي د فلسطينيانو پر مځکو باندي دي د اسراييلي ناقلينو د کورونو جوړول بند سي اوهم يې په غزه کښي د بنديزونو د ختمولوغوښتنه وکړه .

نتان ياهو بيا دا وويل چي د يوه يهودي دولت په حيث د اسراييلي دولت پيژندل ددې سره په تضاد کښي ندي چي غير يهودي خلک پدغه هيواد کښي د ژوند کولو حق نه لري ، او يا حقوق نه ورته ورکول کيږي .

کريستينا بِرګمن / ګرديوال

کتونکی : محمد قاسم نوري