1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اسرائیلي ځواکونو تیره شپه هم پر غزې تراډي بریدونه کړي دي

اسرائیلي هوایي ځواکونو تیره شپه هم د غزې پر تراړې خپلو بریدونو ته ادامه ورکړې. د فلسطینیانو د معلوماتو له مخې د دغه بریدونو په پایله کې دوه تنه وژل شوي دي. فلسطیني وسله والو هم پر اسرائیلو باندې توغندي توغولي دي. د تاوتریخوالي دغه پیښو ته د پای د ټکو ایښودو د هڅو په ترڅ کې د المان د بهرنیو چارو وزیر گیدو ویسترویله نن په بیت المقدس کې د اسرائیل له ولسمشر شیمون پيرس، او له لومړي وزیر بینیامین نتنیاهو سره ویني. پر دې سربیره به هغه د فلسطین د خپلواکه ادارې د مشر محمود عباس سره هم وویني.

نتنیاهو د دوشنبې په ورځ د کابینې له وزیرانو سره غونډه کړې وه تر څو د غزې په تراړه کې د روانو پوځي عملیاتو د ادامې او د یوې احتمالي ځمکنې جگړې په اړه سلا مشوره وکړي. د اسرائیلي رادیو د معلوماتو پر اساس شاوخوا ۴۰ زر ریزرف سرتیري د تیارسئ په حالت کې درول شوي دي. په نیویارک کې د ملگرو ملتونو د امنیت شوری یوه غونډه کړې خو پر دې نه ده توانیدالې چې د دغه کړکیچ په اړه په یوه گډه اعلامیه سره توافق وکړي.