1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اسرائيل کورونو جوړولو ته دوام ورکوي

د نړيوال له نيوکو سره سره اسرائيل، په اشغال سوي لوېديځ اردن کي د يهودي ناقلينو له پاره د کورونو جوړولو ته ادامه ورکوي. لکه څرنګه چي اسرائيلي راډیو خبر ورکړ، د پارلمان یوې پلان جوړونکي کمېټې د بيت المقدس په جنوبي برخه کي د «جیلو» په ناحیه کښي د ۹۴۰ نوو کورونو له جوړولو سره موافقه کړې ده. د دغي پروژې په باب وروستۍ پريکړه به څو میاشتي وروسته نیول کیږي. سربېره پر دې یوه عالي مؤسسه د لوېديځ اردن د ناقلینو په ښار آرییل کي، لومړني اسرائيلي پوهنتون ته ارتقأ پیدا کړې ده. اسرائيلو تر هغه وروسته چي د ملګرو ملتو عمومي اسامبلې په نوامبر کي فلسطین ته د څارونکي په توگه ځای ورکړ، په فلسطیني سیمو کي یې د کورو جوړولو لانجمن پروګرام بیرته پيل کړ. له هغه راهیسي د يهودي ناقلينو له پاره د زرونو کورونو جوړول منظور سوي دي.