1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اروپا او آسیا باید له نزدې همکاري وکړي

اروپا او آسیا غواړي چې د سیاسي نظره له یو بل سره له نزدې همکاره اوسي. د المان د بهرنیو چارو وزیر گیدو ویسترویله، په لاووس کې د اروپایي او آسیایي ټولنو په سرمشریزه کې د داسې مشارکت په اړه خبره وکړه چې د متقابل اقتصادي تمایل څخه لوړ وي.

هغه دې خبرې ته اشاره وکړه چې د چین او هندوستان تر څنگ به نور کوچني آسیایي هیوادونه هم یو بل ته نزدي شي. د هغه په وینا له دې امله د یوه آزاد تجارت په اړه توافق ته ډیره اړتیا لیدل کیږي. هغه زیاته کړه: «څوک چې اقتصادي وده غواړي باید د تجارتي خنډونو پر وړاندې مبارزه وکړي.» دغه کنفرانس چې د لاووس هیواد په پلازمینه کې تیره ورځ پیل شوی، د اروپایي او آسیاي هیوادونو څخه ۵۱ تنه غړي لري. په دغه غونډه کې د ۳۰ څخه د زیاتو هیوادونو مشرانو او دولتونو گډون کړی دی.