1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

اروپایي ټولنه د سوریې د اپوزیسون په اړه هم نظره نه ده

د اروپایي ټولنې غړي هیوادونه د سوریې له نوي اپوزیسیون سره د چال چلند په اړه هم نظره نه دي. د اروپایي ټولنې د ۲۷ غړو هیوادونو د بهرنیو چارو وزیرانو په اوسني وخت کې پر دې باندې هوکړه کړې ده چې د سوریې د اپوزیسیون نوی ملي ائتلاف دې د سوریې د خلکو د قانوني استازي په توگه وپیژني. د هغوی اعلامیه په څرگند ډول د فرانسې له رسمي دریځ څخه متفاوته ده.

د فرانسې ولسمشر فرانسوا اولاند د اپوزیسیون دغه نوی ائتلاف د سوریې د خلکو د یوازیني استازي او په سوریه کې د راتلونکي موقتي دموکراتیک دولت په توگه پیژني. د اروپايي ټولنې د بهرنیو او دفاعي چارو د وزیرانو په غونډه کې د فرانسې له خوا دا وړانديز چې د سوریې پر وړاندې د وسلو د بندیز لیرې کول به اپوزیسیون ته د وسلو رسول آسان کړي، حتی تر بحث لاندې هم را نه غی.