1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

احمدی نژاد خپله نوې کابينه وړاندې کړه

له انقلاب نه په راوروسته ديرشو کلونو کې د لومړی ځل لپاره دری ميرمنې په کابينه کې شاملې شوې. که د احمدی نژاد په خبرو باور وکړو، د نوې کابينې په جوړولو د ده هوډ په ايران کې د نوی باب پرانيستل دی.

احمدی نژاد او د هغه مېرمن

احمدی نژاد او د هغه مېرمن

احمدی نژاد غواړی چې په ايران کې له اسلامی انقلاب نه وروسته چې ديرش کاله ورڅخه تيريږی، د لومړی ځل لپاره په کابينه کې درې ښځې له ځانه سره ولری. مرضيه وحيد دستجردی چې 50 کلنه ده، د احمدی نژاد د کابينې په فهرست کې د روغتيا د وزيرې په توګه نومول شويده. دوهمه ميرمن فاطمه آجرلو نوميږی، د پارلمان دغه 43 کلنه غړی د ټولنيزو چارو د وزيرې په توګه وړاندې شوې اودريمه ميرمن، سوزان کشاورز ده چې د پوهنې د وزيرې په توګه وړاندې شويده.

ويل کيږی چې فاطمې آجرلو د ايران د قضا د کارکوونکی عباس پاليزدار په مخکينې قضيې کې لاس درلود. دا خبره يونيم کال وړاندې د روحانيونو او سياستوالو په منځ کې د اداری فساد په اړوند يوې څيړنې ښودلی وو. دا چې د پاليزدار لخوا شميرل شوی زياتره کسان د احمدی نژاد پر ضد وو، او معلومات د نورو ترڅنګ تر فاطمې آجرلو پورې هم رسيږی، نو د دې امکان شته چې د پارلمان ډير غړي وَرته عمل وکړی او دې ته به مثبتې رأيې ورنه کړی. په هر حال احمدی نژاد د خپلې کابينې د نوماندانو لومړی فهرست چې په هغه کې درې ميرمنې هم شاملې دی وړاندې کړ. خو د ايران خلک د احمدی نژاد دغو ننداريزو کارونو ته د شک په سترګه ګوری.

«زه فکر نه کوم چې د احمدی نژاد په کابينه کې د ښځينه وزيرې شته والی، په حکومت او دولت کې د ښځو د ريښتينې استازې په توګه وی چې وکړای شی د ننيو ښځو غوښتنو ته ځواب ورکړی، هغو غوښتنو ته چې زما په عقيده تر هغه څه چې دولت يې پوره کړای شی ډيرې زياتې دی.»

خو د کابينې نورپُستونه:

سيد جليلی د بهرنيو چارو وزارت پُست ته نومول شوی دی. دی يو له اصول پلويانو څخه دی او د احمدی نژاد د اعتبار وړ سړی دی. دﺉ په 2007 کال کې د ايران د ولسمشر لخوا د ايران د اټومی موضوګانو لپاره د هيأت د ريس په توګه ګومارل شوی وو. تر ده مخکې په دغه مقام علی لريجانی دنده درلوده چې اوس د پارلمان رياست يا د اسلامی شورا د مجلس رياست په غاړه لری. د کتونکو ځينی په دې عقيده دی چې: په کابينه کې د داسې کسانو ننوتل لکه د جليلی د بهرنيو چارو په وزارت کې کولای شی د ايران نوی بهرنی سياست وی یعنی تر پخوا لا سخت او د اټومی لانجمنو پروګرامونو پلوی.

له هغه ځايه چې د احمدی نژاد لخوا وړاندی شوی وزيران بايد د پارلمان رأيې ترلاسه کړی، د سختو جر او بحثونو څار کيږی. ځکه لا تر اوسه هيڅ څرګنده نه ده چې د ولسمشر وړاندی شوی وزيران به د اعتماد رأيې ترلاسه کړی او که نه. د اسلامی شورا د مجلس وياند هم نيوکه کړې چې د نويو وزيرانو په ټاکنه کې له مجلس سره سلا مشوره نه ده شوې. خو هغه پوښتنه چې منځته راځی داده چې آيا د اد مجلس غوښتنه ده او که نه؟

دا چې د پارلمان مقاومت اومخالفت څومره دی څلور کاله وړاندې څرګنده شوې وه. هغه وخت ولسمشر مجبور شو چې د نفتو د وزارت لپاره څلور ځلې خپلې ټاکنې ته بدلون ورکړی. او په پای کې يی په څلورم ځل د اعتماد رأيه ترلاسه کړه.

سهيلا حضرت نظمی
کتونکی: يحيی وردک