1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

ابراهیمي: چین د سوریې د کړکیچ په ختمولو کې مهم نقش لوبولی شي

د سوریې له پاره د ملګرو ملتونو او افریقايي ټولنې ځانګړی استازي لخضر ابراهیمې اوس په بیجینګ کی دی. هغه د چین د بهرنیو چارو له وزیر سره د لیدو پر مهال وویل چې چین د سوریې د کړکیچ په پای ته رسولو کې د پام وړ رول لوبولی شي.

دا په داسې حال کې ده چې په سوریې کې اوس هم تاوتریخوالی روان دی او ترکیې په دمشق د سوریې له رژیم سره د هر ډول خبرو اترو امکان رد کړی دي. تر دې یوه ورځ مخ کې روسیې د سیمې له هیوادونو او نړیوالې ټولنې څخه غوښتې وو چې له ولسمشر اسد او د هغه له مخالفینو سره خبرې اترې پیل کړي چې د سوریې کړکیچ ته یو سولیه ییزه د حل لار پیدا شي.