1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

آیساف : د ملامحمد عمر پیغام حقېقت نه لري

د دغو ځواکونو ویاند جنرال کارستن یاکوبسون په کابل کې خبریالانو ته وویل د ملامحمد عمر وروستۍ پيغام تبلیغاتي بڼه لرې ځکه که دوی په افغانستان کې سوله غوښتۍ نو په خپلو بریدونو کې به یې بې ګناه افغانان نه وژل

د آیساف وِاند کارستن یاکوبسون

د آیساف وِاند کارستن یاکوبسون

سره له دې چې د ملامحمد عمر د اوسیدو ځای معلوم نه دی خو د کوچني اختر په مناسبت وروستۍ پيغام ده ته منسوب  شوی او په پښتو ، دري ، عربي ، اردو او انګلیسي ژبو رسنیو ته رسیدلی دی.

په دغه پیغام کې  د لومړي ځل  لپاره د افغانستان د ستونزې حل «خبرې اترې» بلل شوی خو دا هم پکې راغلي چې تراوسه د خبرو اترو په برخه کې د افغان حکومت ، نړېوالې ټولنې او طالبانو ترمنځ چې کومې اړیکې نیول شوې کافي نه دي .
په پیغام  کې د بندیانو د تبادلې موضوع ته په اشارې سره ویل شوي : «داسيرانو د تبادلې په اړه چې تر اوسه پورې له کومو لوريو سره تماسونه ټينګ شوي هغه هيڅکله هم د هيواد د روانې لانجې دپاى ته رسولو په برخه کې هر اړخيز مذا کرات نشي بلل کيدای .»

په پيغام کې د افغانستان د روانو ستونزو یواځنی لامل په دغه هېواد کې د بهرنیو ځواکونو شتون بلل شوی. پیغام د ملامحمد عمر له قوله ویلي  که بهرني ځواکونه له افغانستان څخه ووځي اسلامي امارت حاضردی چي د یوه سوله خوښي او ذمه وارنظام  په توګه  د سیمې اونړۍ له هیوادونوسره مثبتې اړیکې وساتي .

خو د آیساف ویاندکارستن یاکوبسون وايي وسله والو طالبانو د ملکي افغانانو پر وړاندې خپلې جګړې ته دوام ورکړی او دوی په هیڅ صورت کې خبرو ته چمتو نه دي .

کارستن یاکوبسون دغه پیغام تبلیغاتي وباله :«پر دې ټول افغانان پوهیږي چې ملاعمر او طالبان دروغ وايي ، ځکه هغه څوک چې ددوی تر لاس لاندې کار کوي  هره ورځ ملکي افغانان وژني . ۸۰ په سلو کې ملکي افغانان د طالبانو د لاسه وژل کیږي .»

ښاغلی  یاکوبسون زیاتوي چې وسله وال طالبان په خپلو بریدونو کې له ماشومانو څخه کار اخلي چې مونږ  په کلکه ترې غواړو ، له دغه کاره لاس واخلي .

له بل لورې شنونکو  د وسله والو طالبانو د مشر وروستۍ پيغام د سولې په برخه کې شین چراغ بللی. د سیاسي چارو شنونکي وحید مژده دویچه ویله ته وویل دغه پیغام د ملامحمد عمر نوی دریځ په ډاګه کوي .مژده وايي طالبانو په لومړي ځل د قدرت انحصار پریښی او د یوه ټولخوښي حکومت جوړولو ته یې چمتوالی ښودلی .د ښاغلي مژده په باور دغه پیغام په سیاسي لحاظ هم ډیر  مهم دی : «مژده وايي افغان حکومت دې د سولې د ټینګښت په اړه په  خپلواکه توګه عمل وکړي .»

د ملاعمر په نوي پیغام کې هم پر یوه خپلواک نظام ټینګار شوی او د خبرو په برخه کې د بهرنیو لاسوهنه د افغانانو په زیان بلل شوې .

بل خوا د سولې عالي شورا غړی سیلمان یاري وايي د دوی شورا د خبرو په برخه کې په خپلواکه توګه پر مخ ځي خو اوس د افغانستان ستونزې نړېواله بڼه غوره کړې ده .

یاری وویل: «اوس له افغان حکومت سره د طالبانو د سولې او پخلاینې مسله په ازبکستان او ترکمنستان کې هم مطرح ده ، مونږ دا نه ردوو چې په افغانستان کې سوله نړېواله مسله ده .»

ملا محمد عمر  په داسې حال کې د سولې او ملي پخلاینې په اړه څرګندونې کړي چې افغان ولسمشر دوه ورځې وړاندې سعودي عربستان ته ولاړ او د هغه هېواد له چارواکو سره یې د سولې په اړه خبرې وکړې .

ښاغلي کرزي څو څو ځله پر وسله والو طالبانو د سولې غږونه کړي خو په هر ځل یې خبرې اترې په افغانستان کې د بهرنیانو له شتون سره تړلې بللي دي .

کابل/ محمد اسماعیل شاکر
کتونکی: عبدالباري حکيم
 

DW.COM