آیا تلویزیون روغتیا ته زیان رسوي؟ | آلمان او نړۍ | DW | 04.10.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

آیا تلویزیون روغتیا ته زیان رسوي؟

سره له دې چې تلویزیون د معلوماتو د ترلاسه کولو او ساتېرۍ یوه ښه وسیله ده، خو په دې شرط چې اعتدال پکښې وساتل شي. تلویزیون ته تر اندازې ډيره ناسته د انسان روغتیا ته زیان رسوي او حتی د مرګ له ګواښ سره یې مخامخ کوي.

د چاپان هیواد د اوساکا پوهنتون د یوې نوې څیړنې د رپوټ پر بنسټ تر ۵ ساعتونو ډیر او یا هم په پرله پسې ډول څو ساعتونه تلویزون لیدل کیدای شي انسان د «پلمونري امولیزم» پi ناروغۍ اخته کړي. دغه ناروغۍ د انسان ژوند ګواښلای شي.

«پلمونري امولیزم» د سږو په مرکزي شریانونو کې د وینې کوچني رګونه خوري یا له منځه وړي چې په عمومي ډول په شریانونو کې د ویني د جریان د بطي کیدو او یا هم بندیدو سبب ګرځي. دغه ناروغي د انسان د مړيني سبب هم کیدای شي.

Bildergalerie IFA 2017 (Getty Images/AFP/T. Schwarz)

په پرله پسې ډول د تلویزون لیدل انسان له روغتیایې ستونزو سره مخامخ کوي.

د «پلمونري امولیزم» د ناروغۍ علائم:

د سینې درد، د سا اخیستلو په وخت کې ستونزه (تنفسي مشکلا) او د پښو د درد ترڅنګ انسان تبه هم لري. که په یو چا کې دغه علایم را څرګندیږي باید په عاجل ډول خپل معالج داکتر ته مراجعه وکړي. په ساکن حالت کې د انسان بدن پاتېدل په دغي ناروغۍ د اخته کیدو یو له لاملونو څخه دی.

په نني عصر کې د نورو آسانتیاو تر څنګ انسان کولی شي چې په موبائل، کمپیوتر، تابلیت او تلویزون کې د خپلې خوښې پروګرامونه په اسانۍ سره وويني. د دغو پروګرامونو د لیدو پر مهال انسان څو ساعتونه پخپل ځای کې پاتيږي او حرکت نه کوي. پر دې ناروغۍ له اخته کیدو څخه د ځان ساتنې تر ټولو ښه لاره ورزش دی.

 

زموږ له ارشيف څخه:

DW.COM