1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

آيا پاکستان د بې پيلوټه الوتکو بريدونه غوښتل؟

نیویارک ټایمز ورځپاڼي د شنبې په ورځ ليکلي دي چې په ۲۰۰۴ کال کې د امریکا د استخباراتي ادارې CIA د بې پیلوټه الوتکو بریدونه، له پاکستان سره تر یوې تر سره شوي موافقې وروسته پیل شول.

ARCHIV - HANDOUT - Eine Drohne von Typ MQ-1 Predator der der US Air Force an einem nicht näher bezeichneten Ort (undatiertes Handout der US Air Force). In Westafrika will das US-Militär einen Stützpunkt für Militärdrohnen errichten. Damit will die Armee neue Kenntnisse über Al-Kaida in der Region gewinnen. Nur leise regt sich Kritik an der neuen Allzweckwaffe der Armee. EPA/LT. COL. LESLIE PRATT - HANDOUT EDITORIAL USE ONLY/NO SALES (zu dpa USA wollen nun auch in Westafrika mit Drohnen kämpfen vom 29.01.2013) +++(c) dpa - Bildfunk+++

USA stationieren Drohnen in Niger

نیویارک تایمز لیکلي دي چې هغه وخت پاکستان موافقه کړې وه چې امریکا د هغه له فضا څخه ګټه پورته کولای شي. ورځپاڼي همداراز هغه پېښي ته اشاره کړې ده چې په ترڅ کې یې پاکستان امریکايي بې پیلوټه الوتکې ته وویل چې د طالبانو یو پاکستانۍ غړی چې په قبایلي سیمو کې یې فعالیت کاوه ووژني.

تر برید مخکې پاکستاني پوځ پر دغه وګړي باندې د دې هیواد د دښمن ټاپه وهلې وه.

نیویارک ټایمز لیکلي دي چې د دې په بدل کې بیا پاکستان متحده ایالاتو ته اجازه ورکړه چې په قبایلي سیمو کې د القاعدې غړي په نخښه کړي.

په پاکستان کې د بې پیلوټه الوتکې په لومړي يرغل کې وژل شوی کس بیا وروسته د نیک محمد په نوم وپیژندل شو چې په جنوبي وزیرستان کې يې فعالیت کاوه. له هغه سره یو شمیر نور کسان هم وژل شوي ول چې پکې دوه تنه ماشومان چې له ۱۰ څخه تر ۱۶ کلونو یې عمر لاره. وروسته بیا د پاکستان پوځ د دغه برید پړه پر غاړه واخیسته.

د امریکا استخباراتي ادارې CIA تر هغه وروسته د بې پیلوټه الوتکو په واسطه د شکمنو ترهګرو د وژلو لړۍ ګړندۍ کړه چې ورباندي د نړۍ په بیلابیلو برخو کې د زندانونو د لرلو له کبله سختې نیوکې وشوې. CIA په دغو زندانو کې هغه شکمن ترهګر ساتل چې په بېلابېلو سیمو کې به یې نیولي ول.

په پاکستان کې د بې پیلوټه الوتکو په بریدونو کې که څه هم د القاعدې او طالبانو ډیر شمیر غړي له منځه تللي دي، خو د هغوی تر څنګ په سوو بېګناه انسانانو هم خپل ژوند له لاسه ورکړی دی.

د بې پیلوټه الوتکو د بریدونو په پایله کې د ملکي کسانو له وژل کیدو سره په پاکستان او واشنګټن کې د دغه الوتکو د کارونې په اړه اندیښنې رامنځ ته شوې.

د روان کال د مارچ میاشتې په وروستیو کې ویل شوي ول چې سپینه ماڼۍ غواړي د بې پیلوټه الوتکو د عملیاتو مسئولیت له CIA څخه د امریکا پوځ ته وسپاري. د رسنیو په حواله سپینه ماڼۍ اوس پر داسې یوې طرحې باندې کار کوي چې له مخې به یې د بې پیلوټه الوتکو عملیات د جګړې له نړیوالو قوانیونو سره په همغږۍ کې وي.

چارواکو ویلي دي چې د نړیوالو قوانیو له مخې باید د بې پیلوټه الوتکو يرغلونه د هغه هیواد په موافقه تر سره شي، چې پکښې شکمن ترهګر په نخښه کیږي. اوس مهال د امریکا اسختبارتي اداره او پوځ د بې پیلوټه الوتکو عملیات ترسره کوي چې له کبله یې په یمن، پاکستان او افغانستان کې پر دغو يرغلونو باندې ډیري نیوکې کيږي.