1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

آلماني پوځ تر ۲۰۱۴ کال پوری په جنګي حالت کي پاتیږي

آلمان او د امريکا متحده ايالاتو د افغانستان څخه د عسکرو د راوتلو له پاره د ناټو پر پلان باندي ټينګار وکړ. د آلمان او امريکا د دفاع وزيرانو توماس دېميزېر او لِيون پنيټا د پنجشنبې په ورځ په واشنګټن کي د خپلي ليدني کتني پر مهال ډاډ ورکړ چي د ۲۰۱۴ کال تر پايه پوري به چي له افغانستان څخه راوزي، د جنګي عملياتو له پاره تياری ولري. دېميزېر وويل چي جرمني به خپل عسکر په کرار کرار له افغانستان څخه راوباسي او د جنګي حالت څخه به په کومکي حالت باندي تبديل سي، خو زموږ عسکر به تر پايه پوري د جنګي حالت له پاره تياری ولري.