1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

آلماني ورځپاڼه »دي څايت« او د برژينسکي انتقادونه

په عراق باندې حمله ښايي چې د امريکې د بهرني سياست تر ټولو لويه اشتباه وه. دا خبرې د امريکا د امنيتي چارو يوه پخواني مشاور زیکنيف برژينسکي له آلماني ورځپاڼې »دي څايت« سره په مرکه کې وکړې.

د امريکا د امنيتي چارو پخوانی مشاور زيکنيف برژينسکي

د امريکا د امنيتي چارو پخوانی مشاور زيکنيف برژينسکي

د برژينسکي په ژبه امريکا پخوا هم دلته او هلته ځينې ستونزې گاللې دي ولې دوی تر اوسه پورې هېڅکله يوازنې زبرځواک په نړۍ کې نه وو پاتې شوي. د عراق جگړې اوسمهال د ده په وينا د امريکې د هلو ځلو مشروعيت تر پوښتنې لاندې راوستی دی او امريکا يې په يوې »بې پايه شخړې« کې ښکېل کړې ده.

د ايران د اتومي تگلارې په برخه کې برژينسکي اخطار ورکړ او ويې ويل چې »ځينې خلک لکه چې په امريکا کې د ايران په وړاندې د بريدونو هر کلی کوي.« د امريکا نوموړي سياستپوه د امريکې د متحده آيالاتو پر حکومت باندې غږ وکړ چې د خپل بهرني سياست په هکله دې غور وکړي او د سياست بله لهجه دې وکاروي.