1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

آلماني عسکر په کندوز کې له افغاني چارواکو سر ټکوي

کله چې د آلمان د دفاع وزير فرانڅ يوزف يونگ چې تر پرونه پورې په افغانتسان کې و له آلماني عسکرو څخه په کندوز کې ليدنه وکړه نو نوموړو د افغاني چارواکو څخه سر ټکاوه، ځکه چې نه يې د آلماني عسکرو د وژلو تر شا ولاړ عاملين نيولي او نه يې د نورو اورپکو څارنه کړې چې په سيمه کې موجود دي.

هغه گزمې چې غوښتل يې له افغانانو سره په تماس کې شي او په دې ترتيب د خلکو زړونه وگټي، په ټپه درېدلي دي

هغه گزمې چې غوښتل يې له افغانانو سره په تماس کې شي او په دې ترتيب د خلکو زړونه وگټي، په ټپه درېدلي دي

په عين وخت کې د آلمان پوځ هم پر آلماني عسکرو تر وژونکي بريد څخه درې اونۍ وروسته خپل فعاليتونه کم کړي دي. هغه گزمې چې غوښتل يې له افغانانو سره په تماس کې شي او په دې ترتيب د خلکو زړونه وگټي، په ټپه درېدلي دي. د آلمان د دفاع وزير هم وويل چې له افغاني مقاماتو سره همکاري هومره غښتلې نه ده لکه چې لازمه وای او هيله يې څرگنده کړه چې «د دې ناوړه بريد جوړونکي او تر شا ولاړ خلک به ژر تر ژره ونيول شي.» دا چې د کندوز ښار، چې پخوا د ډاډ وړ بلل کېده اوس خطرناک شوی دی له درې جلا پېښو څخه څرگنديږي. درې ځانمرگي بريدونه په نوموړي ښار کې په افغاني پوليسو، آلماني عسکرو او امريکايي ساتونکو باندې تر سره شول.