د مکسیکو د يوې الوتکي په رالوېدلو کې څوک نه دي وژل شوي
۱۳۹۷ مرداد ۱۰, چهارشنبه
د ورکړل شوو رپوټونو له مخې دغه پیښه په دورانګو ایالت کې رامنځ ته شوې ده. د مکسیکو د حکومت د معلوماتو له مخې د ایرو مکسیکو، شرکت په دغه الوتکه کې ۹۷ سپارلي او د عملې څلورو کسان سپاره ول. د عیني شاهدانو د وینا له مخې په الوتکه کې سپاره ډیر کسان تر پیښې وروسته په خپله له الوتکې راووتل.
دغي الوتکې د دورانګو ایالت له ګوادا لوپې ویکتوریا، نړیوال هوایي ډګر څخه مکسیکو سټي، ته الوتنه کوله. د دغه ایالت والي له یوه ځایي تلویزوني چینل سره په خبرو کې ویلي دي چې په پيښه کې هيڅوک مړ شوی نه دی. د والي د معلوماتو له مخې په پيښه کې ۸۵ تنه ټپیان شوي دي، چې د پیلوټ په گډون د دوو تنو وضعیت کړکیچن دی.
د ورکړل شوو رپوټونو له مخې احتمالا پیلوټ غوښتل چې د خرابې هوا له کبله الوتنه لغوه کړي. د والي په وینا دغه مهال باران اوریده او سخت باد هم وو.
د ایرو مکسیکو هوایي شرکت د خپل ټویټر په پیغام کې لیکلي دي چې د پیښې په هکله پلټنې کیږي.
میلنیو، په نوم ځایي تلویزون د ژغورونکې عملې انځورونه خپاره کړي چې د مسافرو پالنه کوي. زیاته شوې ده چې پر دې سربیره د دورانګو په هوایي ډګر کې د الوتکې د سپرلې د خپلوانو له پاره ارواه پوهان هم رابلل شوي وو.
زموږ له آرشیف څخه: