1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

یونان له بروکسله د يوه بل پلان غوښتنه کړې

آژانسونه/ م.ن۱۳۹۵ مرداد ۱۳, چهارشنبه

د یونان حکومت له اروپايي ټولني څخه د یوه بل پلان غوښتنه کړې ده، په هغه صورت کي چي که ترکیه نور د مهاجرو تړون مراعت نه کړي. د یونان د مهاجرو وزیر ویلي دي،چي موږ په هر صورت یوه «پلان ب» ته اړيتا لرو.

https://p.dw.com/p/1Jacl
انځور: Getty Images/AFP/B. Kilic

د یونان د مهاجرو وزیر (یانیس موڅالس) د چهارشنبه په و رځ (۲۰۱۶ م کال د اگست دریمه) د «بیلډ» المانۍ ورځپاڼي ته ویلي دي چي د ده حکومت د انقرې له خوا د مهاجرينو د موافقتنامې د ناکامه کیدو څخه «ډیر ناارامه» دی.

ده زياته کړې ده چي اروپايي ټولنه باید پردې باندي فکر وکړي چي که ترکیه خپل سرحدونه بیرته د مهاجرو پرمخ خلاص کړي. په عین حال کي موڅالس د اروپايي ټولني له هيوادونو څخه د مهاجرو د لا ډیر اخیستلو غوښتنه وکړه.

د ده په خبره :«مهاجرین باید د اروپايي ټولني پر ټولو هیوادو باندي په مساوي ډول تقسیم سي او نه پر یوه یا دوو هيوادونو باندي.»

نور مطالب:

ترکیه اوس په جدي ډول سره غواړي چي وگړي یې تر اکتوبر مياشتي پوري د اروپايي ټولني هيوادو ته بې له ویزې د ورداخلیدو اجازه پیدا کړي.

دا هغه څه دي چي اروپايي ټولني د مهاجرو تړون د لاسليکېدو پر وخت منلې او ژمنه یې کړې وه. ترکيې اوس خبرداری ورکړی دی چي که دغه وعده پوره نه سي نو تړون به هم نور مراعت نه کړي.

د په دې اړه نور مطالب له برخې تیريدل

په دې اړه نور مطالب