1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

چارواکي: په هرات کې پر بهرنیو سیلانیانو باندې برید شوی

آژانسونه/ م.ج۱۳۹۵ مرداد ۱۴, پنجشنبه

افغان چارواکو ویلي دي چې طالبانو په هرات ولایت کې پر هغو بهرنیو سیالانیانو باندې برید کړی دی چې د افغان امنیتي ځواکونو له خوا بدرګه کیدل. په دې پیښه کې لږ تر لږه شپږ کسان ټپي شوي دي.

https://p.dw.com/p/1JbOr
Karte Afghanistan Provinz Herat Deutsch
انځور: DW

طالبانو لا په رسمي توګه د دغې پیښې پړه پر غاړه نه ده اخیستې او لا تر اوسه پورې د دغه بهرنیو سیلانیانو هویت او هیواد هم نه دی روښانه شوی.

د هرات ولایت ویاند جیلاني فرهاد، د فرانسې خبري آژانس ته ویلي دي: «د سیالانیانو او افغان امنیتي ځواکونو دغه قطار په چشت شریف ولسوالۍ کې تر برید لاندې راغلی دی. دغه سیلانیان له بامیان او غور ولایتونو څخه د هرات پر لور روان وو.»

د افغان پوځ ویاند نجیب الله نجیب، ویلي دي چې په پیښه کې لږ تر لږه پنځه بهرني سیلانیان او د هغوی افغان موټر چلوونکی ټپي شوی دی. هغه زیاته کړې ده چې هرات ته پر لاره دغه بهرني سیلانیان د افغان پوځ له خوا بدرګه کیدل.

په وروستیو وختونو کې د افغانستان د لویو لارو امنیت خراب شوی دی. طالبان او نورې یاغي ډلې وخت ناوخت له لویو لارو څخه مسافر برمته کوي.

په افغانستان کې د برمته نیونو په اړه انځورونه: