1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ
تلویزیون په ژوندۍ بڼه
ټول ویډیويي راپورونه
مهمي موضوعګاني
په افغانستان کې د ښځو حقونهپښتونخوا

په مونشن کي د نويو نازيانو محاکمه وځنډېده

نجيب الله زيارمل (دويچه ويله)۱۳۹۲ فروردین ۲۶, دوشنبه

په مونشن کي د ناسیونال سویالیست د پټ سازمان د مشکوکو ترهګرو پر ضد محاکمه درې اوونۍ وځنډېده. د ځنډېدو علت ئې د محاکمې پرمهال د بهرنيو رسنيو چوکۍ دي چي يو شمېر ته نه دي رسېدلي.

https://p.dw.com/p/18GFi
The courtroom where the trial against German Beate Zschaepe a member of the neo-Nazi group National Socialist Underground (NSU) will take place, is pictured in Munich March 15, 2013. An alleged member of the NSU, 38-year-old Zschaepe, will go on trial in Munich in April charged with the murders. The NSU is accused of murdering nine Turkish and Greek immigrants and a policewoman from 2000 to 2007. Two other NSU members committed suicide in late 2011 after a botched bank robbery. It was the discovery of their bodies in a caravan that first brought the connection between the murders over a seven-year period to light. REUTERS/Michael Dalder(GERMANY - Tags: CRIME LAW)
Gerichtssaal München Gericht NSU Prozess Zschaepeانځور: Reuters

دغه محاکمه چي ټاکل سوې وه د چهارشنبې په ورځ(۲۰۱۳ کال د اپريل ۱۷) د اصلي تورني بياتي چيپه او د هغې د څلورو ملگرو پر وړاندي پيل سي درې اوونۍ نوره هم وځنډېده.

د ناسيونال سوسياليست د پټ سازمان دغه غړي په دې تورن دي چي په تیرو لسو کلونو کي يې نهه تنه بهرنیان وژلی دي، چي ډیری يې په خټه ترکان ول. دغه محاکمه په آلمان کښي دننه او تر هغه دباندي په ډيره ځيرتيا سره څارل کيږي.

که څه هم چي د آلمان د اساسي قانون محکمې د هغه يوشمېر بهرنيو په زياته بيا ترکي رسنيو د گډون ستونزه حل کړه، خو بيا هم دغه محاکمه درې اوونۍ نوره وځنډېده او اوس ټاکل سوې ده چي د می د مياشتي پر ۶ نېټه به پيل سي.

د ناسیونال سوسیاليست د پټ سازمان د ترهګرۍ د قربانیانو د کورنۍ غړي د عدالت غوښتونکي دي. د هغوی په جمله کی یوه هم ګامزه کوباسیک نومیږی چی پلار يې د « د دغو ځنځيري قتلونو» قرباني سوی دئ.

ګامزه کوباسیک اوه کاله پخوا شل کلنه وه، چې د دورتموند په ښار کې د پلار دکان ته د تلو پر لار د پولیسو له خوا ودرول سوه او ورپرې نه ښوول سوه. دغه وخت د هغې پلار په مرمۍ وژل سوی وو.

دا د ناسونال سوسیاليست پټ سازمان، چي په آلماني کي ئې مخفف NSU دی. اتمه پیښه وه. دغه مسئله د ۲۰۱۱ کال په نوامبر کي هغه وخت روښانه سوه، چي د د اوو تنو ترور سوو مړی پيدا سول او تر هغه وروسته پولیسو یوه ویدیو وموندله چي پکښې د قتلونو مشکوک عامیلونو پر خپل جرم او کړو وړ ویاړ کاوه.

په پلان کي ده چي د می د مياشتي پر ۶ نېټه به د مونشن په محکمه کې اصلي تورنه بیاته چيپه«Beate Zschäpe» او له هغې سره د څلور تنو نور تورونو مرسته کوونکو محاکمه پيل سي.