په سياچين کي د واورو لاندي سوو پوځيانو د لټون هڅې ادامه لري
۱۳۹۱ فروردین ۲۰, یکشنبهاعلان
د پاکستان په ليري پرته شمالي برخه کي تر واورې لاندي سوو د ۱۳۵ انسانانو د لټون هڅې له هم ادامه لري. په لاندي سوؤ کسانو کي ۱۱ ملکيان او ۱۲۴ پاکستاني پوځيان شامل دي. د هند پولي ته څېرمه د سياچين په دغه واورينه او غرنۍ سيمه کي د شنبې په سهار واوره ښويېدلې وه او د پاکستاني پوځ يو مقر ئې لاندي کړی وو. د پاکستان پوځ ويلي دي چي د واورې د ښویدو له کبله د دوی پوځي مقر تر پنځه ويشتو مترو څخه زیات تر واوري لاندي سوی دئ.
د دغې پيښي په ترڅ کي د لاندي سوو انسانانو د ژوندي را ايستنې په هکله زیاتي هيلي نه دي پاتې. د سياچين دغه سيمه د يخ پر يوه غره پرته ده چي پر سر ئې د پاکستان او هند تر منځ جگړې هم سوي دي.