په اسراييلو کښي به ډير ژر نوی حکومت جوړ شی

ليونی، بارک ته پرون شپه ددغې موافقې جزييات ورکړي وه، چه بارک پر هغه باندي تر څو ساعتو، او لږو تغيراتو وروسته خپله موافقه څرګنده کړه.

اسراييلي رسنيو په متفق ډول سره خبر ورکړی دی، چه په نوې کابينه کي به اهود بارک ډيره مهمه چوکۍ تر لاسه کي، او دی به د ليونی د مرستيال په حيث تعين سي. همدارنګه به دی د سوريې سره په راتلونکو خبرو او موافقو کي سهم ولري. خو د ها آريتس د ورځپاڼي په حواله د کارګر ګوندپه نوې کابينه کښي لکه څنګه چه ددوی غوښتنه وه، هر څه پلاس ندي راوړي.

ليکن څيپي ليونی د کارګر دګوندپر اييتلاف سربيره، نورو اييتلافي ګوندو او ملګرو ته هم ضرورت لري، تر څو د اسراييلوپه پارلمان-کنېسيت کښي د نوي صدراعظمي په حيث ومنل شي.

ليونی اوس کوښښ کوي چه د شازShas د سخت دريزه مذهبي ګوند سره چه پخوا هم د اولمرت په کابينه کي شامل ؤ، د اييتلاف په باب خبري وکي. د دې لپاره چه د شازShas د ګوند غوښتني ته چه د ډيرو کوچنيانو درلودونکو کورنيو سره مالي کومک وسي ، دې جواب ويلی وي، نو ليونی پخوا لا په بودجه کي د 100 مليونو ايرو د لوړيدو اعلام کړی دی.

څيپي ليونی وايی چه د اسراييلو عامه ذهنيت د ټولو طرفوڅخه غواړي چه ژر تر ژره نوی حکومت جوړشي. دې وويل:

«په اوسني وخت کي د اسرايلي دولت او د هغو د خلګو په خاطر پر پراخو اجتماعي اساساتو باندي ولاړ د يوه حکومت جوړول تر ټولو يو ښه قدم دی. زه پوهيږم چه د اسرايلو عامه ذهنيت به هغه څوک ونه بخښي، چه غواړي پارلمان منحل، او د اسرايلو خلګ نوو انتخاباتو ته مجبوره کي».