په آلمان کې د جي اته غونډه او د اتک د غورځنگ غوښتنې

اتک هغه نړيوال غورځنگ دی چې وايي د اقتصادي مسايلو د نړيوال کېدلو د پروسې سره سم بايد ټولنيز او د چاپيريال چارې هم نړيوالې کړای سي، يا په بله ژبه د دغه غورځنگ غوښتنه دا ده چې د اقتصادي مسايلو د نړيوال کېدلو په پروسه کې دې ټولنيز عدالت او د چاپيريال ساتنې مسئلې ته هم په نړيواله کچه پاملرنه وسي. د اتک غوځنگ چې په نړيواله کچه شاوخوا دوه سوه زره غړي لري د خپلو اهدافو د پاره په سوله يزو مظاهرو لاس پورې کوي او د دوی اساسي اعتراض دا دی چې د نړۍ ستر صنعتي او شتمن هېوادونه د خپلې پانگونې په فکر کې دي نه د نړيوالو بازارونو د يو دموکراتيک کنترول او نظم په فکر کې.