پاکستان: ټاکني کېدای سي تر يوې مياشتي پوري وځنډول سي
۱۳۸۶ دی ۱۱, سهشنبهاعلان
داخبره په اسلام آبادکي د ټاکنو د کمېسيون يوه لوړپوړي غړي د فرانسې آژانس ته کړې ده.
د پاکستان د انتخاباتو کمېسيون وړمه ورځ ويلي وه چي د سه شنبې په ورځ به د ټاکنو د ترسره کيدو په اړه خپله پريکړه اعلانوي .
خو د کمېسيون چارواکو د سه شنبې په ورځ وويل، چي د سياسي گوندونو سره تر سلا مشورو وروسته به خپله پرېکړه د چارشنبې په ورځ اعلانوي .
د تيري پنجشنبې د ورځي راهيسي، چي دپاکستان پخوانۍ وزيره او د حکومت د مخالف ګوند مشره مېرمن بېنظيربوټو ووژل سوه په نوموړي هيوادکي ډيري ناکرارې رامنځ ته سوي دي.
د بوټو د خلګو ګوند د ټاکنو د ځنډېدو سره مخالفت ښودلی، خو دنواز شريف په مشرۍ د حکومت دوهم لوی مخالف ګوند مسلم ليګ د ټاکنو ځنډېدل د منلو وړ بللي دي.