مشرف: په راتلونکي مېلادي کال کي به پارلماني ټاکني تر سره سي.

مشرف دغه خبره په يوه تلوېزيوني ويناکي کړې، او دا يې هم ويلي دي چي کچيري دی ددوهم ځل له پاره د ولسمشر په توګه وټاکل سي نو دی به د پوځ د مشرۍ څخه استعفا وکړي.

د پاکستان د پارلمان لخوا مشرف د دوهم پړاو له پاره د دغه هيواد د ولسمشر په توګه ټاکل سوی و، خود يو لړ شکايتونو له امله ستري محکمې ته دغه مساله وړاندي سوې وه.

ويل کيږي چي ستري محکمې غوښتل چي شکايتونه ومني او د دوهم ځل له پاره د ولسمشر په توګه د پروېز مشرف ټاکل کېدل تر پوښتني لاندي راولي، خو مخکي له دې چي د پاکستان د ستري محکمې لخوا دغه پرېکړه اعلام سي مشرف په پاکستان کي بيړنی حالت اعلام کړی.