متحده ايالتونه: القاعده تر پخوا ډېره ضعيفه سوې ده
۱۳۹۱ اردیبهشت ۹, شنبهاعلان
د امريکا د متحده ايالتونو استخباراتي ادارې ويلي دي چي د القاعدې ډله اوس تر زياتي کچې کمزوره سوې ده. د امریکا د استخباراتي ادارې په وینا نوموړې ډله نور د سپټامبر د يوولسمي د بريدونو په څېر د سترو بريدونو د تر سره کولو توان نه لري.
د نوموړې امريکايي ادارې چارواکي رابرت کارديلو، ويلي دي چي په عربي هيوادونو کي تر پاڅونونو وروسته د القاعدې ډلې سختي ستراتيژيکې ماتې خوړلي دي.
د کارډيلو په وينا په دغو عربي هيوادونو کي اوس د اسلام له هغې بڼې څخه ملاتړ نه سته چي القايده ورته ژمنه ده.
د دغه چارواکي په وينا بيا هم په يمن، عراق او سوماليا کي د القاعدې پاته شوي کسان موجوده دي چي گواښ ئې رامنځ ته کړی دئ.