د ښځو او نارينه وو ترمنځ عمده توپيرونه

د ښځو او نارينه وو ترمنځ يو ستر توپير د هغوی د بدن غټوالی دئ. په معمولي حالت کي نارينه تر ښځو ۱۰ سانتي متره غټ وي. نارينه دغه راز تر ښځو غټ لاسونه او پښې لري او د بدن دننه غړي ئې هم تر ښځو غټ دي.

د نارينه وو زړه او د ويني رسېدو سيستم تر ښځو غټ دئ. دغه توپير د ورزش پرمهال ښکاري. ځکه نو په ورزش کي د نارينه وو استقامت تر ښځو زیات وي.

په ښځو او نارينه وو کي جنسي هورمونونه توپير لري. نارينه د تستوسترون هورمون په لرلو سره تر ښځو ئې ږغ ډډ وي، بدن ئې ډېر وېښتان لري، وازگه ئې لږ وي او عضلې ئې زياتي وي.

نارينه دا امکان لري چي ډېر ژر ئې د بدن عضلې غټي سي او وازگه ئې کمه سي. د نارينه وو بدن له ۲۰ تر ۳۰ کلنۍ پوري ښه جوړېدلای سي.

دا چي نارينه د جنسي هورمونونو په لرلو سره تر ښځو ئې خښم ډېر وي تر اوسه پوري لا ثابته سوې نه ده. هغه څه چي روښانه دي هغه دا دي چي نارينه تر ښځو زيات زورزياتی کوي.

د نوي زېږېدلي هلک مغز تر نوي زېږېدلي نجلۍ، په سلو کي ۲ سلنه ستر او ۱۲ سلنه دروند وي.

د مغز ستروالي هيڅکله د زيات هوښ نښانه نه ده. د ښځو مغز د خپل کوچني جوړښت په خاطر داسي هجرې لري چي وينه ډېره ور رسيږي او فعاله سیمه ئې هم زياته ده.

د مغزو متفاوت جوړښت د دې سبب سوی چي د ښځو حساسيت تر نارينه وي او په خبرو اترو کي وکولای سي د مخاطب څېره او حرکتونه تفسير کړي.

په ظريفو کارونو کي ښځي تر نارينه وو مخکي دي. خو دا موضوع په دې اړه نه لري چي د ښځو گوتي تر نارينه وو نازيکي دي.

داسي ښکاري چي تر نارينه وو د ښځو د بوی او خوند قوه پياوړې ده، ځکه نو ويل کيږي چي ښځي تر نارينه وو حساسي دي.

اندازه‌گیری کنند. د شمېرو له مخي د نارينه وو د محاسبې قدرت تر ښځو ډېر دی او کولای سي چي تر ښځو ښه اندازه اټکل کړي.

معمولاً د ښځو تر هر سفر وروسته تر نارينه وو ډېر څه په ياد وي. ښځو ته تر ډېره ښکلي ودانۍ او تاريخي ځايونه په زړه پوري وي نه فضا.

که غواړي چي د تليفون شمېره ياداښت کړئ يا پته وليکئ او د هغه د ليکلو له پاره وسيله نه لرئ؟ په دغه برخه کي ښځي تر نارينه وو ښه کولای سي چي يو متن يا يوه شمېره په ياد وساتي.

ښځي تر نارينه وو نازک او انعطاف پذيره پوست لري. د ښځو پوست دا امکان لري چي د اميدوارۍ پرمهال ډېر کش وخوري.

بل توپير: د ښځو لگن خاسره د نارينه تر هغې ۱،۳ سانتي متره پلن دي. دا ځکه چي ښځه اميدواره کيږي او کوچني د زېږون پرمهال بايد د لگن خوله غټه وي.

د ښځو عمر تر نارينه وو نژدې پنځه کاله ډېر وي. په جرمني کي د نارينه وو متوسط عمر ۷۷ کاله او د ښځو دا ۸۲ کاله دئ. د دې يو دليل دا ښوول سوی چي نارينه تر ښځو ډېر سگرېت څکوي.

د ښځي او نارينه ترمنځ د عمر د توپير بل دليل دا هم دی چي نارينه تر ښځو ژر وزن اخلي.

تر نارينه وو ښځي ډېري ډاکټرانو ته مراجعه کوي. خو نارينه بيا تر ښځو لږ ډاکټرانو ته ځي.