د لا گومېرا په ټاپو کي انسانان له اور څخه په تېښته کي دي

په قناري جزيره لا گومېرا کي د ځنگل لگېدلی اور لا پسې پراخ سوی دئ. د دغه اور له کبله د سيمي شاوخوا ۴۷۰۰ انسانان له اغېزمني سوي سيمي څخه ژغورل سوي دي. د راپورونو له مخي د ځنگل دغه اور اوس د گارانجونای و ملي پارک ته هم رسېدلی دئ، چي د ملگرو ملتونو له خوا ورته د نړيوالي ورثې درجه ورکول سوې ده. د ډيري سختي گرمۍ له کبله دغه اور لا زور اخيستی دئ. په گاونډي ټاپو تې نې ريفا کي هم په ځنگل کي د اور لگېدنې راپورونه ورکول سوي دي.