د برازیل سیل وکړئ

دا ښار د دوو افسانوي ساحلونو ښار دی چې په ډير شمیر پخوانیو سندرو کې ترې یادونه شوی ده. دا ښار د ۶،۲۰ میلیونه نفوس په درلودلو سره د دغه هیواد دویم لوی ښار دی. د لمر د عبادت کونکو یا مینه والو له پاره دا ښار د مقناطیس حیثیت لري.

د ریو دي جینیرو په ساحل کې د غرونو شاته د لمر ولیدو ننداره یوه نه حیریدونکي خاطره ده. په دې انځور کې تاسې د شوگر لوف مشهور غرونه وینئ.

ریو دي جینیرو پ بې ساري توگه ښکلۍ منظرۍ لري. سیلانیان د کیبلي هوایې موټر په وسیله ۳۹۵ متره لوړې غونډۍ یا تپې ته لیږدول کیږي.

دغې مجسمې خپل لاسونه د شوگر لوف د غرونو پر لور خلاصې کړي دي. دغه مجسمه ۳۰ متره لوړ ۲۸ متره سور او شاوخوا ۱۱۴۵ ټنه وزن لري. هره ورځ نږدې ۴۰۰۰ سیلانیان د دغې مجمسې او شاوخوا سیمو د لیدلو له پاره رازي.

ریو دي جینیرو تر ۶ میلیونو ډیر اوسیدونکي لري. د دغه ځای هر یو پنځم تن په بې نقشې کورنو کې ژوند کوي.

په برازیل کې کارنیوال تر ټولو مهم جشن او کلتوري عنعنه بلل کیږي. د ریو سیمه ییز خلک او سیلانیان په گډه سړکونو ته راوزي او دغه جشن په گډه لمانځي.

د برازیل اگوازو آبشار له یوه طبیعي معجزې څخه کمه نه ده. دغه ابشار په برازیل کې د ارجنټاین هیواد سرحد ته نږدې پروت دی. دا ابشار د نړۍ تر ټولو لوی ابشار گڼل کیږي چې د یونسکو د نړیوال کلتوري میراث په لست کې شامل دی.

د ځلیدونکو شگو او ریگو د همواره سطحو تر منځ د خوږو اوبو چینې یوه ښایسته منظره وړاندی کوي. دې پارک ۱۵۵۰ متره مربع ساحه احتوا کړی ده. دې ساحې ته په ۱۹۸۱ کال کې د نشنل پارک درجه ورکړل شوه.

د نړۍ د هر سیند په پرتله ډیرې اوبه لري. که تاسې غواړۍ چې د برازیل د طبیعت له ښکلاء څخه خوند واخلئ، نو د دې له پاره تاسې ډیر وخت ته ضرورت لرئ.

د میناوس په ښار کې هر کال د دریو اونیو له پاره د اوپرا میوزیک فیستیوال دایریږي. د دې ښار تر ټولو مشهور اپرا هاوس هم په لیدلو ارزي.

د سلوادور ډي باحیه ښار د پخوانیو پرتگالیانو کالوني وه او دا په سلگونو کلونه د پانگه والو له پاره په برازیل کې د غلامانو د تجارت مرکز وو. اوس دا د افریقایې برازیلي کلتور مرکز گڼل کیږي. دغه ښار نه یوازې د موسیقۍ بلکې د دوستانه چاپیریال له امله هم ډیر مشهور دی.

د برازیل په تاریخ کې دری پلازمېنې درلودلې چې تر ټولو لومړۍ پلازمېنه سلوادور ډی باحیه، وه. بیا ریو دی جینیرو او بیا په ۱۹۶۰ کال کې برازیلیه د پلازمېنې په توگه وټاکل شو.