د امريکا استازی: اروپايان دې په افغانستان او عراق کې هلې ځلې زياتې کړي

له آلمان څخه عراق ته د پوځونو د استولو غوښتنه نه کېږي خو متحده آيالات له اروپايانو څخه د بيارغاونې او د امنيتي ځواکونو په روزلو کې مرسته غواړي. په افغانستان کې ښايي چې د پسرلي په رسېدو سره به د طالبانو بريدونه هم پسې زيات شي.
د دې پر ځای چې آلمان د افغانستان جنوب ته عسکر واستوي دوی د کونيگ په وينا کولای شي چې په نورو برخو کې مرسته وکړي. کونيگ د افغانستان په شمال کې د آلمانيانو فعاليت وستايه او ويې ويل چې ځينې دغه ډول پروژې د ټول هېواد په کچه هم عملي کېدای شي.