د المان پارلمان په پوتین نیوکه کړې

مسکو ته د المان د صدراعظمې انگلا میرکل تر سفر یوه اوونۍ د مخه د المان پارلمان د مخالفینو پر وړاندې د روسیې د ولسمشر پر چال چلند باندې نیوکه کړې ده. په یوه غوښتنلیک کې چې د جمعې په ورځ د سوسیال مسحیي ائتلاف، د المان د مسحیي دموکراتانو او د زرغون د گوندونو په رایو سره تصویب شو، له دولت څخه غوښتل شوي دي چې په مسکو کې له دولت څخه د لا ډیرې دموکراسۍ او د بشري حقونو د مراعاتولو غوښتنه وکړي. په برلین کې د روسیې سفیر د پارلمان دغه نیوکه رد کړې ده.