Чудни моменти од светот на спортот во 2016 година

Пита Тауфатофуа го украде вниманието на пристутните на церемонијата за отварање на Летните Олимписки игри во Рио де Жанеиро во 2016 година. Тој го држеше знамето на Тонга парадирајќи без маица и намачкан со масло. Во Рио тој се натпреваруваше во боречката дисциплина таеквондо, а сега вели дека на Зимската Олимпијада во 2018 година би сакал да се натпреварува во кроскантри скијање.

Кога веќе зборуваме за таеквондо: На настан кој се одржа во октомври на домашниот терен на Ајнтрахт Франкфурт, германката Жаклин Хагеман постави нов светски рекорд во „удирање на балон со потпетици“ - таа со помош на нејзините потпетици успеа да дупне 37 балони за 90 секунди. На настанот, покрај останатите поставени рекорди беше и оној за направени најмногу „стомачни со голтнат меч“.

Се што можеше да тргне наопаку, тргна наопаку во овој обид за скок со коњ на игрите во Рио. Наместо коњот да скокне преку пречката, јавачот Реј Фонсека самиот „летна“ преку неа и притоа собори дел од прачките. Доколку Бразилецот се натпреваруваше во базен можеби ќе освоеше некој поен за неговото „нурнување“.

И во овој случај животните се поголеми „победници“. Во натпреварот за кучиња-сурфери на брегот на Сан Диего, кучето со име Кона (мешавина од лабрадор и пудлица) ја одржа стабилноста на бранот, за разлика од неговиот сопственик и партнер за сурфање кој ја изгуби рамнотежата и се нурна во водата - уништувајќи ја притоа можноста на неговиот миленик да освои медал.

Велосипедското седиште декорирано во боите на германското знаме стои на подот на велосипедската патека во затворената сала на игрите во Рио. Во финалето на женскиот спринт, Кристина Фогел беше првата која ја премина финиш линијата и го освои златниот медал - без нејзиното седиште. Поуката е следна: ниту бунтовното седиште не може да ја сопре Кристина Фогел.

Робел Кирос Хабте (горе десно) од Етиопија нема извајано тело како неговите противници, па затоа и не беше изненадување што едвај успеваше да им се приближи на останатите пливачи во трката во слободен стил на 100 метри на Олимписките игри во Рио. Тој забележа лош резултат, но добрата вест е тоа што успеа барем да ја заврши трката.

Се чини малку веројатно дека ова би можело да го подобри вкусот или аромата, но сепак, по победата на трката за Големата награда на Сан Марино, мотоциклистот и суперѕвезда - Валентино Роси одбра да го пие победничкиот шампањ од својата чизма. На здравје!

Италјанскиот голман Џанлуиџи Буфон беше пресреќен поради победата на неговиот тим (2:0) против Белгија во групната фаза на Европското првенство во фудбал во 2016 година во Франција. 38 годишникот претрча преку теренот, скокна и се обиде да се ниша на пречката од голот на противниците. Но, набрзо ја изгуби рамнотежата и падна во задниот дел на мрежата. Тоа всушност е еден вид на гол кој не се брои.

И покрај фамозното обезбедување за кое многу се зборуваше на Европското прввенство во фудбал во 2016 година, овој португалски фан (горен ред, најдесно) некако успеа да се прикраде на теренот и да влезе во кадарот на тимската фотографија на португалската репрезентација пред полуфиналниот меч против Велс. И самиот Кристијано Роналдно беше изненаден.

Зинедин Зидан се облекува во стил, но можно ли е неговите пантолони да се многу тесни? Првиот пат, фрустрацијата на тренерот на Реал Мадрид предизвика да ги скине пантолоните за време на мечот против Волфсбург. Потоа, тој го направи истото во полуфиналниот натпревар со Манчестер Сити. „Не е ништо страшно, не грижете за тоа“, порача тој.

Играчите на Бајерн Минхен не се навикнати да седат на клупата на температури под нулата, а особено не се навикнати да го прават тоа кога паѓа снег. Германските шампиони се соочија со Ростов од Русија во меч од Лигата на шампионите во кој загубија со 3:2 - пораз кој ги чинеше првото место во групата Д. Изгледа дека играњето фудбал на температури од -6 степени целзисуови не им оди на Баварците.

Имајќи предвид која е неговата професија, нормално е да се очекува дека Пјер-Емерик Обамејанг ќе биде радосен кога топката ќе се упати во негов правец. Ова очигледно не беше случајот во овој момент на натпреварот во Херта. Можеби тој ги вежбаше потезите за новиот борбен танц за Дортмунд - како танцот „хака“ кој го изведуваат играчите на рагби репрезентацијата на Нов Зеланд пред секој натпревар.

За време на натпревар во Премиер лигата против Саутемптон, топката заврши на покривот на трибините на стадионот на домаќините Кристал Палас. Но, тоа беше привремено. Топката го најде својот пат до голот на Саутемптон - дури три пати.

Зарем не може да се побегне од ситен криминал? Ниту на кошаркарските терени? Повторената снимка јасно покажува дека за време на наптреварот во Евролигата помеѓу Реал Мадрид и Залгирис Каунас, еден од теренските судии јасно ја става раката во сакото на тренерот на гостите, Шарунас Јасикевичиус. Каде е полицијата кога ви треба?