Финале на Ролан Гарос: Ѓоковиќ против Надал

Рафаел Надал попладнево ја брани титулата на Ролан Гарос. Доколку победата ја однесе Новак Ѓоковиќ, тој би станал актуелен шампион на сите четири грен слем турнири.

Вчера, во финалето во женска конкуренција, победи руската тенисерка Марија Шарапова. Русинката не и‘ остави никакви шанси на аутсајдерот во мечот, Италијанката Сара Ерани - победи со 6:3 и 6:2 по сетови. Титулата за Шарапова на овогодишниот Ролан Гарос уследи по освојувањето на Вимблдон во 2004. година, Ју-Ес Опен во 2006. и Аустралијан Опен во 2008. година. Со тоа таа стана четврта жена која ги има освоено сите четири најголеми турнири.

„Мислев дека освојувањето на Вимблдон, кога имав 17 години, ќе ми биде најдраг момент во кариерата. Но кога денес паднав на колена, сфатив дека е ова многу посебен момент и повеќе од тоа“, изјави Шарапова вчера во Париз.

Русинката на наредната ранг листа ќе биде прва, додека Сара Ерани утре првпат ќе се најде меѓу најдобрите десет на ВТА листата.