Уапсени противниците на режимот на Лукашенко

На протестите за време на прославата на Националниот празник на Белорусија уапсени се голем број критичари на владата. Меѓу приведените е и поранешниот претседател Станислав Шушкевич, критичар на претседателот Александар Лукашенко. Полицијата во главниот град Минск употребила сила и солзавец, сведочат очевидци. Опозицијата, по примерот на „арапската пролет“, преку социјалните мрежи повика на протести против власта на маргините на големата воена парада. Противниците на Лукашенко, требаше да го попречуваат неговиот говор на парадата со громогласно ракоплескање.

Автор: АТ/БГ/дв

Редактор: Горан Чутаноски