Уапсен осомничениот „Голден Стејт“ сериски убиец

Повеќе од 30 години по серијата убиства и силувања во Калифорнија, полицијата можеби го фати сторителот.

Денес 72-годишниот Џозеф Џејмс Д. беше уапсен во неговиот дом во Цитрус Хајтс, предградие на Сакраменто. Ова го соопштија полицијата и обвинителите во главниот град на Калифорнија.

Со децении, истражителите го бараа т.н. „Голден стејт убиец".

Човекот сега бил пронајден со помош на ДНК-тестови на траги пронајдени на сцените на злосторствата. Првично беше обвинет за две убиства, соопшти полицијата.

12 убиства и 45 силувања

Поранешниот полициски службеник е осомничен дека во 70-тите и 80-тите години од минатиот век извршил 12 убиства, повеќе од 45 силувања и преку 120 провали. Често тој напаѓал жени кои се сами дома .

Десетгодишната криминална серија започна во 1976 година со силување на 18-годишна девојка во северниот дел на Калифорнија. Повеќето убиства пак беа извршени во Јужна Калифорнија.

Суровите дејства на сторителот сееја страв и трепет во американската сојузна држава цела една деценија. Маскираниот човек често ги изненадувал своите жртви во нивните домови, ги врзувал сопрузите со лисици, ги силувал жените, а потоа ги убивал.

Истражителите го нарекуваа Џозеф Џејмс Д. уште и „Силувач од источната област“ и „Оригинален ноќен стокер“, но сега конечно можеме да го именуваме како обвинет“, соопштија властите.